بالفيديو.. معتز إينو: اخدنا ايه من الثورة غير وقف الحال؟!

أكد المعتز بالله إينو، نجم وسط النادي الأهلي، أن الشعب المصري لم يستفد من ثورة 25 يناير، مُشيراً إلى أن الثورة تسببت حتى الآن في انتشار البلطجة وترويع المواطنين في جميع الشوارع المصرية.

معتز إينو قال في تصريحاته لقناة «الأهلي»: «أتمنى البلد ترجع تاني زي الأول، استفدنا إيه من ثورة 25 يناير غير إن العيل الصغير شايل مطوه، وأن الواحد بيخاف ينزل للشارع زى زمان».

نجم نادي الزمالك السابق، أضاف لبرنامج «كواليس الأهلي في تركيا»: «أنا شايف إننا مستفنداش غير الهرجلة وعدم النظام والبلطجة، أنا بقيت أخاف أسافر بالليل لوحدي».

وعن إقامة النادي الأهلي لمعسكر في مدينة أنطاليا التركية وليس في القاهرة، قال إينو: «أي بلد هنروح نعمل معسكر فيها هتكون أحسن من مصر في الظروف دي بعد الثورة».

صاحب الـ27 عاماً، تابع: «أنا كلاعب كورة مليش شغلانة غير الكورة، وبعد إلغاء الدوري قاعد عواطلي معنديش حاجة، فهي مصدر رزقنا الوحيد، وفيه لاعيبة درجة تانية أنا أعرفهم شغالين فرانين وفي العمالة».