نوارة نجم لعبد الظاهر: شرطة ايه يا نطع اللي بتحييها؟
أبدت الكاتبة الصحفية والناشطة السياسية نوارة نجم استيائها الشديد مما قاله اللاعب أحمد عبد الظاهر بأنه رفع شارة رابعة، في مباراة الأهلي وأورلاندو في النهائي الأفريقي، تحية منه لكل الشهداء بما فيهم شهداء الشرطة.
نوارة قالت: «شرطة إيه يا نطع أنت اللي بتحييها؟!.. هو اللوع ده في دمكوا؟ ما تخليك محترم وجدع وشجاع وتقول أيوه أنا إخوان وأنا حر وبناقص الكورة اللي حتذلني انتوا حتشنقوني عشان عملت شارة رابعة؟ وماحدش فيكوا عملني أنا عملت نفسي بجهدي واللي له حاجة عندي ييجي ياخدها وسلاموا عليكوا .. هو أنت فلوسك قليلة ولا مش حتلاقي تاكل لما تسيب الكورة؟ بس على الأقل كان الواحد احترمك».
كما استنكرت توقيع عقوبات على عبد الظاهر بسبب رفعه هذه الشارة، حيث قالت: «وهم إيه اللي عملوه معاه ده؟ دول ناقص يعلقوه في ميدان عام عشان عمل شارة؟ هو اللي عملوه فيه ده قانوني؟.. اللي بيحصل مع عبد الظاهر وأبو تريكة ده طبيعي؟ والناس كلها مستسيغاه؟ ده جزاءهم إنهم جابوا هدفين؟ أمال زعلانين من قلة أصل الإخوان ليه؟».
وأضافت ساخرة -على حسابها الخاص على موقع «الفيس بوك»- «ابقوا تحروا عن اللعيبة امنيا قبل ما تشغلوهم، وراقبوا تليفوناتهم وحطوا لهم كاميرات في حماماتهم عشان ترتاحوا وتريحونا».