جولولي | نوارة نجم تشكر كل من قدموا لها العزاء
  • شمس البارودي
  • كيم كاردشيان
  • عادل إمام
  • أبو بكر عزت
  • هيفاء وهبي
  • أنور إسماعيل
  • إسماعيل ياسين
  • سيرين عبد النور
  • شريهان
  • استيفان روستي
  • سعيد صالح
  • خالد صالح

القاهرة- سارة إبراهيم

توجهت الكاتبة الصحفية والناشطة السياسية نوارة نجم بالشكر لكل من قدموا لها واجب العزاء في وفاة والدها الشاعر أحمد فؤاد نجم، وذلك على حسابها الخاص على موقع «الفيس بوك».
نوارة قالت: «باشكر كل الناس اللي عزوني، سواء بشكل مباشر بالحضور او الاتصال او الرسائل، او بشكل غير مباشر انهم عملوا الواجب مع بابا سواء بحسن ذكره، او الدعاء له، واسفة اني مش قادرة اتكلم ولا ارد على حد.. بس محتاجة وقت استوعب، لاني ما كنتش عاملة حسابي على حاجة كده ولا اتعودت اتحط في موقف ما اعرفش اعمل فيه حاجة، ولا كنت حاطة في بالي ان بابا ينفع يحصل له حاجة كده».
الكاتبة الصحفية نفت ما تداولته بعض وسائل الإعلام عن دفن نجم بمقابر الإخوان، حيث قالت: «ابويا مش في مقابر الاخوان، ابويا في مقابر ميت عفيف بالغفير جنب المرحوم حسين اخو مراته ودي كانت وصيته لان حسين الله يرحمه كان بالنسبة لبابا احسن من لو كان ابنه اللي خلفه من صلبه ودي مقابر اسرة زوجته ام زينب».
نوارة دعت محبي نجم لعمل الخير ووهبه له، قائلة: «اللي يقدر يعمل اي عمل خير ويوهبه لابويا ما يتأخرش، ومش حيندم، من تجربتي معاه ابويا مافيش حد عمل معاه اي دقة جدعنة الا وربنا سد عنه وشاف ثمرة الخير في حياته، حتى لو كانت بكلمة طيبة قالها اسعدت بابا، ومافيش حد زعله او جرحه الا وربنا خرب بيته من وسع وخلاه عبرة، ومن رحمة ربنا على الناس اللي اذوا ابويا، ان بابا ما كانش بيزعل بسهولة، والا كان زمان الناس المخروب بيتهم لا يعدوا ولا يحصوا، وهو جه لكذا حد وقالهم انه كويس وانه عايش مش ميت، بس ما جاليش انا، يمكن عشان لسه مش عارفة اتعامل مع الموضوع».
واختتمت حديثها بنفيها خبر ولادتها، مشيرة إلى أن والدها أسمى طفلتها القادمة «فاطمة الزهراء»، وقالت: «دعواتكم ربنا يجيب فاطمة الزهراء بالسلامة لانه هو كان عايزها تيجي.. وباعتذر كمان مرة اني مش حاقدر اتواصل مع اي حد الفترة دي... شكرا».



عدد التعليقات (0)

الاسم (مطلوب):

ما هو مجموع 1 + 1

أخبار الرئيسية: