جولولي | صلاح جاهين.. عدم الإنجاب كاد أن يفقده حبيبته
  • شمس البارودي
  • كيم كاردشيان
  • عادل إمام
  • أبو بكر عزت
  • هيفاء وهبي
  • أنور إسماعيل
  • إسماعيل ياسين
  • سيرين عبد النور
  • شريهان
  • استيفان روستي
  • سعيد صالح
  • خالد صالح

القاهرة - Gololy

حينما اقتحمت الممثلة الناشئة حياة الفنان الشامل صلاح جاهين، وكان وقتها زوجًا للرسامة سوسن زكي وأبًا، قلبت حياته رأسًا على عق وذهب إلى زوجته وأخبرها أنه يحب منى قطان.

قطان تعرفت على جاهين خلال مسلسل إذاعي كان يروي قصة حياته، وكان بعنوان «الزير وغطاه»، وشاركت هي في بطولته، فبدأت العلاقة بينهما كصديقين واستمرت كذلك لمدة 3 سنوات، بعدها قررا الزواج على الرغم من شعورها بالذنب وإحساسها بأنها هدمت كيان أسرته الأولى.

وتمت الخطبة رسميًا في صيف عام 1966، وكان من أسعد أيامهما، حتى أنه استوحى فكرة الأغنية الوطنية «صورة» من ذلك اليوم، ثم بدأت التحضيرات للزواج، الذي حدث عقب نكسة يونيو 1967، وتم عقد القران في الشهر العقاري؛ لأن العروس كانت تحمل الجنسية اللبنانية.

الزواج السعيد تعرض لهزات عنيفة ومنها مشكلة عدم الإنجاب لمدة 13 عامًا وإصابة جاهين بالاكتئاب بسبب النكسة، وقد قررا الانفصال ولكنهما تراجعا، وعن تلك العلاقة التي ربطتهما تقول قطان: «رغم فارق السن بيننا، واختلاف الديانة، لأنني كنت مسيحية، وكذلك اختلاف الثقافة والتربية، فإن صلاح جاهين احتواني كامرأة واستطاع أن يخترق جميع الحواجز التي كانت بيننا، ودومًا ما كان يقف إلى جواري كصديق أولًا ثم كزوج».

ورغم أنها كانت الزوجة الثانية إلا أنها لم تشعر مطلقًا بالتفرقة في المعاملة مع زوجته الأولى؛ حيث وصفت صلاح الزوج بأنه كان «يطبق شرع الله»، وأضافت: «لم يكن يفرق أبدًا بيننا في المعاملة، وكان عنده أولاده أهم حاجة في الدنيا، وأتذكر أنني أردت أن أشتري تكييفا في الشقة التي أقيم فيها من مالي الخاص فرفض، وقال لما أقدر أركب تكييف لأولادي أبقى أشتري تكييفًا هنا».



عدد التعليقات (2)

طارق السويسى

2013-12-22 14:25:52

الفنان صلاح جاهين فنان شامل بالفعل فهو يكتب الشعر و الازجال و الاغانى و القصص و الكاريكاتير و قام بالتمثيل فى الافلام مثل فيلم لاوقت للحب و فيلم المماليك و فيلم من غير ميعاد و شهيده العشق الالهى و قام ايضا بالغناء فى اوبريت مكن الذى قام بتأليفه ...و كان له كاريكاتير يوميا فى جريده الاهرام و هو صاحب مسرحيه العرائس الشهيره الليله الكبيره التى حققت نجاحا كبيرا و مازالت تعرض من وقت لاخر على المسرح و ايضا مسرحيه الاطفال للعرائس صحصح لما ينجح ...كان الراحل مستشارا خاصا للراحله سعاد حسنى وهى التى كانت تستشيره فى كل خطوه تخطيها و كان بالنسبه لها والدها  و شقيقها .. فهو الذى الف لها فيلم خللى بالك من زوزو و كتب كلمات اغانيها التى نجحت نجاحا كبيرا ...و قام بتاليف معظم اغانى عبد الحليم الوطنيه و كان مؤمن جدا بالثورة و لذلك عندما انهزمت مصر فى نكسه 67   انهار و اصيب باكتئاب نفسى شديد و احس انه ساعد فى ان يعيش الشعب فى غيبوبه و احلام وهميه ...و استمر معه الاكتئاب فترة طويله و كان يعالج فى مستشفى للامراض النفسيه و هناك من يؤكدوا  أن وفاته كانت  نتيجة انتحاره بابتلاع اقراص مهدئه بكميات كبيره ....تزوج الراحل من سيده  من خارج الوسط الفنى ثم من الممثله منى قطان التى شاركت فى معظم الافلام التى ألفها  ...و ربما لايعلم الكثيرون انها  هى التى كانت ستقوم ببطوله فيلم خللى بالك من زوزو  و لكنهم ترددوا و قبلته سعاد حسنى و لو هذا  كان قد حدث بالفعل  لكان الفيلم كارثه بكل معنى الكلمه .....واخيرا بعد وفاته انهارت سعاد حسنى و احست انها فقدت سندها الوحيد فى الحياه و هى التى كانت تثق فيه ثقه عمياء و اصيبت باكتئاب نفسى شديد  لازمها حتى وفاتها ....رحم الله الجميع .

طارق السويسى

2013-12-22 15:01:40

إاليكم كلمات اوبريت الليلة الكبيرة و هى من اجمل مؤلفات صلاح جاهين  و تم انتاجها لمسرح الاطفال و اصبحت من انجح و اشهر ما قدم لمسرح العرائس و دائما تعرض فى المناسبات الدينية و مولد النبى و كان هناك تسجيل بالابيض و الاسود و بعدها سجلوها بالالوان و مازالت تعرض حتى الان  على مسرح العرائس من وقت لاخر ....اترككم مع كلماتها : قبة سيدنا الولي دول نوّروها
ما أحلى البيارق والناس بيزروها
قبة سيدنا الولي .. والقبة عالية
ما احلى البيارق لما دوّروها

حمص حمص تل ما ينقص عالنار يرقص
يرقص يرقص ويقول .. الي شاف حمّص ولا كلش
حب وأتلوع ولا ولا طلشي
يسترك هات حبة بقرش
جمّص .. حمّص .. حمّص
أسعى .. أسعى .. أسعى .. أسعى
خدلك صورة ستة في تسعة
يا سي عجورة النار خسعة
الله .. الله .. الله
عجمية .. باللوز .
الله .. الله .. الله
طعمية .. أراجوز ..... الله .. الله .. الله

الليلة الكبيرة يا عمي والعالم كتيرة
مالين الشوادر يابا من الريف والبنادر
دول فلاحين ودول صعايدة
دول من البلد ودول رشايدة

العمدة : يا حضرة الاراجوز قولي
الاراجوز : نعم يا عمدة عاوز ايه
العمدة : منين يروحوا المتولي
الاراجوز : فتح يا اخينا وصلي عليه
العمدة :  اللهم صلي عليه
الاراجوز : تمشي كده على طول على طول لحد ما تلاقي عمارة
العمدة : لحد ما الاقي عمارة
الاراجوز : تكسر يمين تلقى بتاع فول دكانته على ناصية حارة
العمدة : دكانته على ناصية حارة
الاراجوز : تدخل يمينك وشمالك شارعين وفي التالت تكسر
العمدة : شارعين وفي التالت أكسر
الاراجوز : على اليمين واخد بالك .. وتمشي على طول تتمخطر
العمدة : وأمشي على طول واتمخطر
الاراجوز : تفضل كده تمشي وتلف .. وتخش من ماطرح ما طلعت
العمدة : وأخش من ماطرح ما طلعت
الاراجوز : ولما تلقى مقلة لب .. تعرف بأنك تهت وضعت
العمدة :  دي وصفة سهلة ..
الاراجوز : سهلة اوي
العمدة : ودي وصفة هايلة
الاراجوز : مع السلامة .. مع السلامة .. مع السلامة يا ابو عمة مايلة
الاطفال : مع السلامة يا ابو عمة مايلة .. مع السلامة يا ابو عمة مايلة
فتّح عينك تاكل ملبن
فينك فينك .. تاكل ملبن
أوعى لجيبك لا العيب عيبك
قرّب .. جرّب .. نشّن
وسطن ايدك .. وسطن
أضرب ..
يحميك يا ابني تبقى غالبني
قرّب خدلك حتة ملبن
قرّب خدلك حتة ملبن

فوريرة للعيل
يا ابو العيال ميّل
خدلك سبع فرارير
زمّارة شخليلة
عصفورة يا حليلة
طراطير يا واد طراطير
طراطير يا واد طراطير
طراطير .. طراطير طراطير طراطير

الليلة .. اللية السيرك تعالو دي فرجة تساوي جنيه قولو هيه ..
هيه هيه هيه
بمناسبة هذا المولد يا ولاد زورنا يا ولاد قولو هيه
هيه .. هيه .. هيه
في السيرك شجيع يهجم على السبع ويركب دغري عليه قولو هيه ..
هيه هيه هيه
وبنات قمرات زي الشربات حلوين مش عارف ليه قولو هيه
هيه .. هيه .. هيه
وكمان بلياتشو تعالو اسمعو ناتشو
وشوفو حيعمل ايه قولو هيه
هيه .. هيه .. هيه
هيه .. هيه .. هيه
أنا شجيع السيما
أبو شنب بريمة
أول ما اقول علي هب
واصرخ لي صرخة
ها .. ها .. ها
السبع يتكهرب ويبقى فرخة
حالا بالا سأصارع أسد أنما ايه متوحش
وحخلي وجهه شوارع
تصقيفة يا ناس مايصحش
أهو جه أهو جه .. تصقيفة بقى
تصقيفة أومال .. تشجيعة أومال
تعالى لالي اللاي اللالي يا حبيبي تعالى لالي
دقي يا مزيكا
السمك مقلي .. كل وبرقلي
صنف زي الفل
استخار واختار
فشة و منبار
يلا يلا سمي وكل
يلا يلا سمي وكل
يا أم المتطهار رشي الملح سبع مرات
في مقامه الطاهر خشي وقيدي سبع شمعات
يا عريس يا صغير علقة تفوت ولا لحد يموت
لابس ومغير وحتشرب مرقة كتكوت
بالذمة ده سابع عيّل مزفوف من وقت قليل
مولد شلاه يا معلم .. عقبال أولادك

واحد مظبوط واتنين مصري
عالنار حاضر جايلك دغري
مساء التماسي .. مساء التماسي
يا ورد قاعد على الكراسي
:
هات شاي يا دقدق ..

دقدق رجل القهوة يقول :
عيني وراسي
سمعنا يا ريس حنتيرة
للصبح معاك السهيرة

سمعنا .. سمعنا .. سمعنا .. سمعنا

يا غزال .. يا غزال العشق حلال دوبتني دوب خلتني خيال
يااااااه .. يا شفتك فص فراولة .. و لا قوة ولا حول
دوبتني قلبي على لولاه .. يا غزال العشق حلال
يـــــــــــــــــــــا ليل
يارب يا عالم بالحال .. تهدي حبيبي ويصبح عال
واغني وارقع بالموال .. واقول يا غزال يا غزال
يـــــــــــــــــا ليل
وقّف يا ريس حنتيرة
فيه ناس هنا قاعدة كتيرة
ولا حد قال هات تعميرة ولا واحد شاي
اه .. اللي حيطلب راح يقعد ولا ما يطلبش يبعد

يلا بينا نخرج يا مسعد شارع التورماي

يــــــــــــا ليل .. يـــــــــــــــــا ليل
يا غزال يا غزال العشق حلال دوبتني دوب خلتني خيال 

ورينا القوة .. يا ابني انت وهو
مين عنده مروّه وعاملي فتوة
يقدر بقادرة على زق الطارة .. ويفرقع بومبة
وسع .. وسع .. وسع
أنا أزق الطارة وأضرب مية بومبة
ده أنا اللسطى عمارة من ضرب شاكمبا
صيتي من القلعة للقلعة للسويقة اللالا....أنا واخد السمعة

طيب يلا تعالى

لا يا عم سعيدة
دي البدلة جديدة

هأ هأ هأ سعيدة يا ابو بدلة جديدة

إوعد يارب إوعد .. إوعد يارب إوعد ..أدي كمان قهوة .. يلا بنا يا مسعد .. ندخل على سهوة .. ايوة على سهوة

طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي

هوى العصاري ....ياواد
على سطح جاري .....ياواد
خدني ورماني رماني عليك ولا انت داري
طار في الهوى شاشي وانت متدراشي
يا جدع
حكم الهوى ماشي
آآه يا ناري ..منك يا جاري
خدني ورماني .. رماني عليك هوى العصاري
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي

ماشي .. ماشي .. ماشي كلامك آه
الي حيطلب راح يقعد
والي مايطلبش يبعد

يلا ينا نخرج يا مسعد شارع التورماي
ناس من بلدنا هناك اهم
روح يا ابراهيم اندهلهم
سلامات .. سلامات .. سلامات على البلدايات

ليلتكم أنس وجلجلة .. جلجلة .. جلجلة ..
أنشد ولعلع يا ولة .. يا ولة .. يا ولة
شفت في منام صاحب المقام .. ده اوبهه .. أوبهه..
ويمامة حايمة عليه تسبح ربها ..
يا نور النبي .. يا نور النبي .. يا نور النبي
ميّلت فوق ......حى...
صحوني من نومى.. خدت بعضي وتني جاى
وبعودة .. وبعودة

يا أولاد الحلال .. بنتي تايهة طول كدة
رجلها الشمال ..فيها خلخال  زي ده 
زحمة يا ولداه .. كام عيّل تاه
الليلة الكبيرة يا عمي والعالم كتيرة
مالين الشوادر يابا من الريف والبنادر

الله أكبر الله أكبر .. الله أكبر الله أكبر

الاسم (مطلوب):

ما هو مجموع 3 + 2

أخبار الرئيسية: