لميس الحديدي تنفعل على الهواء بسبب اهمال الحكومة مع ضحايا سانت كاترين.. فيديو

انفعلت الإعلامية المصرية لميس الحديدي بشدة خلال عرضها لقضية ضحايا سانت كاترين، منتقدة تعامل الحكومة مع هذا الأمر.

لميس قالت: «كان لازم يكون في طيارات في هذه المنطقة ويكون فيها غمكانيات إنها تقدر تنزل على سطح الجبل وتجيب الناس، لأ حياة المواطن المصري غالية مش بس حياة المواطن الأجنبي، هناك مستشفى حالتها رثة ومفيش مستشفى نفسية خالص في جنوب سيناء، الطيارات مش قادرة توصل للناس».

وأضافت -في برنامجها «هنا العاصمة» على قناة الـ «CBC»-: «كان في حادث لسة على بعد أمتار من سانت كاترين، في ثواني كل حاجة كانت خلصانة، ووزراء رايحين ووزراء جايين، دول 7 مواطنين مصريين أنقذنا أربعة وتلاتة ماتوا حتى مش عارفين نجيب جثثهم، يعني الطيارة تلاقيهم فمعرفتش تنزل فقعدت يوم سايباهم.. يعني إيه؟!».

وتابعت: «دلوقتي قضية البحث عن المفقود محمد رمضان المفروض تبقى القضية رقم واحد، حياة مواطن تساوي كل حاجة، كفاية بقى اللي احنا فيه، يعني لو كانوا دول أجانب كنتوا هتعملوا إيه؟!، كان زمان الدنيا اتقلبت، وكان زمان الوزراء فوق الجبل بيجيبوهم، كان زمان وزير السياحة عامل مؤتمر صحفي زي اللي عمله للكوريين، يا وزيرة الصحة ما تبعتي رئيس قسم الأمراض النفسية والعصبية لطابا، بدل ما انتي قاعدة طول النهار تقولي مافيش وفيات من انفونزا الخنازير».