توفيق عكاشة: أهديت محمد مرسي شامبو ضد القشرة.. ومحلب جابلي أربعة كيلو سمك

أكد الإعلامي المصري توفيق عكاشة إنه كان صديقا للرئيس السابق محمد مرسي، وكان يستضيفه كثيرا وقتما كان نائبا في البرلمان، مشيرا إلى أن مرسي كان يعاني من قشرة الشعر، على حد قوله.

عكاشة قال – في برنامجه «مصر اليوم» على قناة «الفراعين»-: «انتوا عارفين إن محمد مرسي ده عنده قشر في شعره، والله العظيم عنده قشر في شعره، محمد مرسي ده صاحبي وفي يوم كان جايلي لابس جاكتة كحلي وهو عضو في مجلس الشعب، ولاقيت البدلة مليانة قشر، قلتله جرى إيه يا سيادة النائب، انت شعرك فيه قشر ليه؟، متبقاش تلبس كحلي علشان ميبانش القشر، فبعت واحد يجيب شامبو ضد القشرة ولفها في ورقة هدية، وقولتله يا سيادة النائب دي هدية مني شامبو هيضيعلك القشرة، فقعد يضحك».

ومن ناحية أخرى انتقد حكومة المهندس إبراهيم محلب، حيث قال: «المهندس إبراهيم محلب جاب مجموعة من الوزراء الجداد ولا واحد فيهم هينفع، وزير التعليم العالي اللي جابه ده على ما تفرج رجل غلبان كده»، وطلب من معد برنامجه أن يحضر له ورقة بأسماء الوزراء الجدد قائلا له: «فين الوزرا الجداد يا عز، ولا إكمن المهندس إبراهيم محلب صاحبك وكان بيبعتلك سمك مش راضي تجيبلي الورقة، وبعتلي أنا كمان سمك، بعتلي أربعة كيلو سمك تعابين من قيمة شهر، هو أنا هكذب؟».