أحمد سبايدر يحلل شفرات فرقة «حوض النيل»
شن الناشط أحمد سبايدر هجوما حادا على فرقة «حوض النيل» التي استضافها الإعلامي الساخر باسم يوسف في حلقة أمس من برنامجه «البرنامج»، كما شكك في مصرية الفنانة دينا الوديدي، إحدى عضوات الفرقة.
سبايدر كتب -على حسابه الخاص على موقع «الفيس بوك»-: «هاااااااااام جدااااااااااا شفرات فرقة حوض النيل: الأراجوز استضاف فرقة مكونة من مغنيين من كل دول حوض النيل.. وجاب بنت عرفها انها مصرية اشك فى مصريتها اصلا لنطقها اللكنة المصرية بالعافيه بجانب رقصتها مالهاش علاقه بالمصريين».
وأضاف: «قالت فى كلمات المقطع بتاعها مجتمع وسخ زى الرصيف وعاز يتكنس.. وطبعا تقصد المجتمع المصرى هل ده ليه علاقه بفرقة عاوزة توحد شعوب حوض النيل بعيد عن السياسة.. وقالت يعنى ايه كلمة وطن يعنى ناس مالهاش سكن.. برده ده ايه علاقته بتجميع دول حوض النيل».
وتابع: «وأخيرا هسألكم سؤال هل تعتقدوا ان سواء السودانية اللى غنت.. او الأوغندي او الأثيوبية قالوا فى كلمات أغانيهم اللى مافهمنهاش ان مجتمعهم وسخ وعاوز يتكنس وان عندهم ناس مش لاقيين سكن.. بالرغم إنى مافهمتش كلمات أغانيهم إلا إنى أبصم بالعشرة أنهم لايجرئوا يقولوا على بلدهم كده والا ماهيدخلوا بلدهم تاني».