جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

شريف مدكور يرد على سخرية باسم يوسف.. فيديو

الاثنين 10 مارس 2014 | 01:14 مساءً
القاهرة- Gololy
393
شريف مدكور يرد على سخرية باسم يوسف.. فيديو

علق الإعلامي المصري شريف مدكور على سخرية الإعلامي باسم يوسف منه في برنامجه «البرنامج»، بقوله إنه مع حرية الإعلام والرأي، حيث أن من لا يعجبه برنامج يستطيع تغيير القناة بكل سهولة.

شريف قال –في برنامجه «ساعة مع شريف» على قناة «المحور»-: «كل يوم جمعة يكلموني، ويقولوا ده فلان بيسخر منك، الحقيقة أنا ليا وجهة نظر، أنا مع حرية الإعلام والرأي، فيه برامج بتفرج عليها، وبرامج مش بتفرج عليها، زي بالظبط ما فيه ناس بتحب شريف مدكور وفيه ناس بتكرهه، وإني أقول على حد متربي ومش متربي دي حاجة نسبية، وأنا مبيفرقش معايا الكلام ده».

وأضاف: «البرنامج اللي احنا بنتكلم عليه مثلا أنا مش بتفرج عليه دايما، ساعات بتفرج على الحاجات اللي تخصني، فاللي مش عاجبه حاجة ميتفرجش عليها، وماينفعش جماهير البرامج تقعد تتخانق مع بعض، القنوات والمذيعين والبرامج على قفا من يشيل، فأنا مع الحرية ومع كل واحد يعمل اللي هو عاوزه، لكن هيكون عندي مشكلة لو حد بيحرض على العنف وتكفير المجتمع».