نوارة نجم: إلهي تصرفوهم على الايدز وما تلاقوش الكفتة يا بعدا

عبرت الكاتبة الصحفية والناشطة السياسية نوارة نجم عن استيائها من زيادة فاتورة الكهرباء عندها هذا الشهر، مشيرة إلى أنها وصلت إلى 355 جنيه بالرغم من أنها كانت 37 جنيه الشهر الماضي.

نوارة كتبت -على حسابها الخاص على موقع «تويتر»-: «فاتورة الكهربا الشهر ده 355 جنيه لاول مرة في حياتنا، ده الكهربا بتقطع اكتر ما بتيجي احنا عمرنا ما دفعنا اكتر من 40 جنيه كهربا، هو احنا مشغلين مصنع؟.. والراجل أقوله 355 جنيه؟ جنيه؟ انا فاكراه يقصد 355 قرش، وربنا وربنا وربنا.. وبيستظرف يقولي: عايزاهم بالدولار؟».

وأضافت: «اعمل ايه بقى دلوقت؟ عشان دي سرقة رسمي عيني عينك، احنا الكهربا الزيادة الوحيدة على اضاءة الصالة هي الكهربا بتاعة غلاية المية.. انا حاموت من النقطة على فكرة.. حاموت.. 355 جنيه كهربا؟ يا كفرا يا حرامية.. الهي تصرفوهم على الايدز وما تلاقوش الكفتة يا بعدا».

وتابعت: «الشهر ده 355 والشهر اللي فات دافعين 37 جنيه؟ ليه ايه التغير الفظيع اللي حصل في حياتنا؟ بنكهرب البت بطة عشان تبطل عياط؟.. انا مش لاقية حاجة اعملها من كتر غيظي غير اني افضحهم على التويتر».