رولا خرسا تطالب بعودة مبارك وتدشين صفحة «إحنا آسفين يا مرشد»

عبرت الإعلامية المصرية رولا خرسا عن استيائها الشديد من طريقة تعامل الحكومة المصرية مع جماعة الإخوان المسلمين، قائلة إنه أشبه بفيلم كارتون.

رولا قالت –في برنامجها «البلد اليوم» على قناة «صدى البلد»-: «الدولة قبل ما تضحك علينا بتضحك على نفسها، مش من المنطقي إن الدولة تقعد ليل نهار تشرب من عنف الإخوان، وفي نفس الوقت تتحايل على الوسطاء علشان تتصالح مع الإخوان، اللي بيحصل ده فيلم كرتون».

واضافت: «الدولة قدامها حاجة من اتنين إما تعلن الحرب على الجماعة على كافة الأصعدة، وإما تجيب من الآخر وتدشن صفحة «إحنا آسفين يا مرشد» وتعيد المرشد والجماعة للحياة السياسية ونفضها سيرة ونخلص، لكن ساعتها سأطالب الحكومة كمواطنة مصرية إن الحزب الوطني ومقراته وقياداته ترجع، والرئيس مبارك يرجع، واللواء حبيب العادلي يرجع، ونخلص برضو».