رولا خرسا: «حلاوة روح» انحلال أخلاقي

شنت الإعلامية المصرية رولا خرسا هجوما حادا على فيلم «حلاوة روح» بطولة الفنانة هيفاء وهبي، ووصفته بأنه مستفز وبه انحلال أخلاقي.

رولا قالت: «في فيلم مطروح في السينما دلوقتي اسمه حلاوة روح، الحقيقة أنا لسه مشوفتش الفيلم ده وشكلي مش هشوفه، على الرغم من حبي لهيفاء وهبي، فمن قراءاتي عنه عرفت إنه به موجة من الانحلال الأخلاقي، حيث إن قصته بتدور عن قيام طفل عنده 14 أو 15 سنة باغتصاب بطلة الفيلم اللي هي هيفاء وهبي».

وأضافت –في برنامجها «البلد اليوم» على قناة «صدى البلد»-: «إحنا كده بنوصل للشباب اللي في سنه إنهم قادرين إنهم يعملوا عملة سودة زي دي، إزاي تشوهوا شكل الأطفال بالطريقة دي، وأنا متخيلش إن حد يطلع يقول ده إبداع ونقل للواقع، الفيلم ده لو قدم في الغرب هيعترضوا عليه بره، في حاجات كده مستفزة، المفروض نحترم الطفل، والمفروض نحترم المرأة».