فيديو.. فاروق الباز: كنت صايع ومش لاقي شغل.. وببيض بيوت

كشف العالم المصري البارز، الدكتور فاروق الباز، عن عمله «مبيض بيوت»، حسب تعبيره، وذلك لأنه لم يجد أي عمل في مصر بعد حصوله على درجة الدكتوراه في الجيولوجيا الاقتصادية، بقوله «كنت صايع».

الباز قال في لقاء تليفزيوني على قناة «cbc two» في برنامج «معكم»: «أنا كنت بشتغل ببيض بيوت، بعد ما خدت دكتوراه من أمريكا وأستاذ في جامعة هايدلبرج في ألمانيا، مالقتش شغل في مصر وكنت صايع ومعاييش فلوس ولا مليم ومشيت».

وأضاف: معايا دكتوراه في الجيولوجيا وقالوا أدرس كيمياء، وكانوا بيسألوا عليا شخصيا لأني كنت أول واحد أخد دكتوراه في الجيولوجيا الاقتصادية، متسائلاً: واحد معاه دكتوراه في الجيولوجيا أدرس كيميا إزاي؟، فيقول لي مش هتعرف تفتح الكتاب وتدرس فصل فصل للعيال.