محمود سعد: مش هنتخب السيسي

أكد الإعلامي المصري محمود سعد إنه لن ينتخب أي من مرشحي الرئاسة، وأبرزهم المشير عبد الفتاح السيسي، والسيد حمدين صباحي، في الانتخابات الرئاسية القادمة، وأنه سيعرض وجهة نظر الطرفين دون التدخل في الأمر.

سعد قال –في برنامجه «آخر النهار» على قناة «النهار»-: «أنا ولا هشجع السيسي ولا هشجع حمدين ولا ليا دعوة بالقصة دي، أنا هقول ده بيقول كذا وده بيقول كذا، وانتوا فيكوا العقل وفاهمين كل حاجة، وتنزلوا تختاروا الرئيس اللي يعجبكوا، ولما تختاروا الرئيس إحنا معاه».

وأضاف: «إحنا هنكون خدامين الرئيس اللي هتختاروه، وخدامين رئيس الوزراء، وخدامين الوزراء والمحافظين ورؤساء الأحياء، دي طبيعة شغلتنا، لأن الجاكتة اللي أنا لابسها دي منكوا، والأكل اللي بأكلوه في بيتي منكوا».