عمرو أديب: وجدي غنيم بعد ما ياكل الكبسة بيطلع غازات علينا في شكل فتاوى

شن الإعلامي المصري عمرو أديب هجوما حادا على الداعية الإسلامي وجدي غنيم، وهو يجلس أمام وليمة كبيرة من «الكبسة» الخليجي، ويشير بيده بعلامة رابعة.

أديب قال –في برنامجه «القاهرة اليوم» على قناة «اليوم»-: «انت ليك نفس تاكل يا رجل، طب ابعت لأخوانك اللي هنا اللي مش لاقيين ياكلوا، ابعت للشباب اللي انت ضاحك عليه، ابعت للناس اللي ماتوا، ابعت للستات الغلبانة اللي بتحطوها في المظاهرات تاكل من السم الهاري اللي انت بتاكله ده».

وأضاف: «أدي الكبسة اللي هم عايشين فيها، ليه يتصالح بقى، ماهو لو اتصالح هيرجع تاني ياكل أكلنا ويعيش عيشتنا، ده أحلى جهاد، أنا فاتتني إن الواحد يبقى إخوانجي ويقعد في قطر ويتبسط، وخلاص بعد ما يخلص ويقرّع يطلعله فتوتين، أصله يا عيني الأكل عمله حموضه، وكل ده يطلع علينا غازات بعد كده، والعيال هنا الغلابة مضحوك عليها».