أحمد موسى: محدش هينفرد بالسيسي

استنكر الإعلامي المصري أحمد موسى قرار اللجنة العليا للانتخابات الرئاسية  بإصدار 4 رموز جديدة بينهم رمز النسر، الذي طالب به المرشح الرئاسي حمدين صباحي.

موسى قال: «القرار ده خلى الناس متضايقين وهم بياكلوا الفسيخ، كنتوا أجلوه لبكرة، نكدتوا على ناس كتير جدا النهاردة، على فكرة الموضوع مش فارق، وممكن تكون اللجنة أصدرت القرار ده علشان تخلص من وجع الدماغ، كان في عندنا عشر رموز اشمعنى ده؟!، ماهو نزل به الانتخابات اللي فاتت عمل به إيه يعني؟ محصلش حاجة ولا المرة دي هيحصل حاجة، المرة دي هيبقى وصيف».

ومن ناحية أخرى أكد –في برنامجه «على مسئوليتي» على قناة «صدى البلد»- أن المشير عبد الفتاح السيسي، المرشح الرئاسي، لن يجري حوارا منفردا مع أي إعلامي، حيث قال: «مفيش حد هينفرد بالمشير لوحده، وأنا كنت بطالب بكده، علشان المشير ليس محتكر لأي شخص ولا للتليفزيون المصري، ولا لأي فضائية، هو لكل المصريين»، مشيرا إلى أنه يتوقع أن يجري المشير سلسلة حوارات على عدة مرات.