عمرو أديب: اتكسف على دمك واعترف بفشلك

شن الإعلامي المصري عمرو أديب هجوما حادا على المرشح الرئاسي، حمدين صباحي، وحملته الانتخابية، مشيرا إلى أنهم أهانوا المصريين في الخارج للتبرير لفشلهم في الحصول على نسبة أصوات كبيرة في الانتخابات الرئاسية.

أديب قال موجها كلامه لحمدين: «يا رجل اتكسف على دمك، ده السيسي اخد في السويد 741 صوت وانت اخدت صوت واحد، دي نكتة، ده احنا هننقلب على قفانا من الضحك، الواحد مش عايز يتكلم علشان تكمل للآخر، طيب دول خايفين الشركات في السويد تمشيهم، طب مين ضغط على المصريين في واشنطن ونيويورك والدوحة، لا يمكن هتقولي إنهم في الدوحة قالولهم يدوا السيسي، دي تبقى من علامات القيامة».

وأضاف: «النتيجة تخجل، انتوا عندكوا فشل ذريع، يا رجل اتكسف ومتفتحش بقك، المفروض تسألوا نفسكوا ليه النتيجة كده مخزية ومهينة، إنما تيجي على المصريين اللي بره، وتقول أصل هم كانوا هيرحلوهم!، عيب عليك، هو اللي مايقفش معك تهينه، وتطلعهم جبناء وبتوع مصالحهم الشخصية، ده في دول الأصوات الباطلة أكتر من أصوات حمدين».

الإعلامي المصري طالب حملة حمدين بالاعتذار عن هذه التصريحات أو نفيها، حيث قال –في برنامجه «القاهرة اليوم» على قناة «اليوم»-: «إذا مكنتش حملة حمدين ناوية تعتذر عن الكلام ده أو ينفوه، والله ما هسكت، ومش هسيب حق المصريين اللي بره».