سلمى صباحي تطالب رامز جلال بعدم إذاعة حلقة محمد محيي

أشادت الإعلامية المصرية سلمى صباحي برد فعل الفنان محمد محيي، بعد أن وقع ضحية لمقلب رامز جلال في برنامجه «رامز قرش البحر»، حيث أنه عبر في تدوينة له عن ضيقه الشديد من هذا المقلب، مؤكدا على أنه لن يتخذ أية إجراءات قانونية ضد رامز، وذلك بخلاف ما فعلته الفنانة آثار الحكيم.

سلمى طالبت رامز بعدم عرض حلقة محيي، كاعتذار له عن هذا المقلب، حيث قالت: «فرق كبييييير بين رد فعل محيي ورد فعل أثار الحكيم ! الموضوع مش فلوس! بعد الكلام اللي كتبه محيي ده لو رامز جلال فعلا بيحبه اعتقد اقل اعتذار ممكن يقدمه إن الحلقة دي متتعرضش أساسا».

وأضافت موجهة حديثها لرامز، على حسابها الخاص على موقع «الفيس بوك»: «يا رامز مش أي حد يتقبل المقالب دي وعلى فكره هي مش مقالب دي ترويع، وترويع الناس حرام! .. محمد محيي أنت إنسان محترم».

يذكر أن محمد محيي كان قد كتب: «قال إيه مقلب وخفة دم وكده وطبعا الكاميرات شغالة عشان يشوفوا رد فعلك ويتمنوا تشتم أو تضرب أو حتى ترفع قضية، الحمد لله كتمت إحساسي احترامًا للناس ولأني متعودتش أهين أو أكسف حد قصاد ناسه ومش هعمل حاجة لا قضية ولا صحافة ولا برامج نضيع بيها وقت الناس لأسباب كتيرة أولا إحساس الإهانة والخديعة ميسويش ملايين ولا مليارات وثانيا عشان محدش يقول ده عايز فلوس كمان وحاش لله أن أتاجر بكرامتي وإحساسي».