جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

محمود سعد يقطع برنامجه تأثراً بوالدته.. فيديو

الخميس 19 مارس 2015 | 02:41 صباحاً
القاهرة - Gololy
592
محمود سعد يقطع برنامجه تأثراً بوالدته.. فيديو

تزامناً مع الاحتفال بعيد الأم، أبدى الإعلامي المصري محمود سعد تأثره الشديد بفقدان والدته، وذلك عند حديثه عنها موضحاً أنه فقدها منذ أن كان في الأربعينيات من عمره.

محمود سعد قال خلال برنامجه "آخر النهار"، الذي يذاع على قناة "النهار"، موجهًا رسالة إلى الجميع: عايز أقول لكل واحد أمه جنبه، خلى بالك منها، أنا عندي ٦١ سنة، وأمي سابتني ومشيت وأنا عند 45 سنة، بيني وبينها تفاصيل كتيرة، لأني كنت الصغير، أمي مشوار كفاح كبير زي أي أم مصرية، أبويا توفى وهي عندها 27 سنة، تعبت جامد عشان تربينا.

الإعلامي المصري أضاف قائلاً: والدتي تركت لي شقتها وراحت قعدت في شقة صغيرة على قدها، وسابتلي بيتها عشان أتجوز فيه، أوعى تقول لأمك تعالي أقعدي عندي، أنا الحياة أخدتني من أمي بسبب الشغل وأولادي، فبلاش ده يحصل لحد أمه ما زالت على قيد الحياة"، هي قالتلي في يوم كل أما أقولك تعالى تقولي عندي شغل.. في يوم هتدور عليّه مش هتلاقيني، وأهو جاء اليوم ده، وحينها لم يستطع سعد أن يُكمل الفقرة وخرج إلى فاصل اضطراري ولم يتمالك نفسه وبكى على الهواء.

واختتم: أنا آسف على إني قفلت الفقرة اللي فاتت كده، بس أنا أمي نور عيني، ولما تفقد البصر وإنت على قيد الحياة فحياتك هتبقى ناقصة، وهيبقى عندك مشكلة كبيرة، بس خلي بالك من أمك وحطها في عينيك، لأنها لو ذهبت مش هتلاقيها تاني، لأن ست بالحب ده، وبالحنان ده، مش هتلاقيها تاني في الدنيا، عشان تحس إنك بني آدم.