القصة الكاملة لخبيرة التجميل التي أثارت عاصفة في مصر.. بالصور
تسببت خبيرة التجميل نانيس سليم، في حالة من الجدل عبر صفحات مواقع التواصل الاجتماعي، وذلك بسبب بوست قامت بنشره عبر صفحتها الشخصية بموقع «فيس بوك»، اتهمت فيه إحدى الفتيات بأنها قامت بالنصب والاحتيال عليها بعد ادعائها أنها ليست عروس وأنها فقط تجهز لحفل سوارية، وذلك هروبًا من التكلفة العالية لتجميل العرائس.
نانيس، قامت بنشر صور الفتاة وعلقت عليها قائلة: «يا بنات هي دي إسراء اللي جت السنتر وحجزت ميكب وشعر سواريه مع المساعدة بتاعتي على أساس إنها رايحة فرح بنت خالتها، وبعدها بيوم وبمنتهى السذاجة بعتت صورتها للمساعدة بتقولها تسلم ايديكي كان فرحي بس أنا مرضتش أقول، وفاجئتنا كلنا بردها تاني يوم لما سألناها عن السب وإن الطريقة ديه مش من الذوق أبداً، ردت بإسلوب استهزاء وقالت علينا مش محترمين لما وجهنالها اللوم بان ديه طريقة نصب واضحة وعدم أمانة.. مين فينا بقى اللي مش محترم دلوقتي، وبسببها أنا آسفة إني هقول كده أنا من النهاردة اضطربت الغي السوارية ميكب عشلان دلوقتي مباقاش في ثقة ولا أمانة في التعامل».
نانيس، انطبق عليها المثل القائل وانقلب السحر على الساحر، وتسببت هذه التدوينة في غضب كبير عليها، حتى نظم نشطاء موقع «تويتر» «هشتاج»، لمقاطعتها، واتهموها فيه بالاستغلال حيث أنها تقاضت نظير ما قدمته للفتاة التي قامت بنشر صورها، ووصفوا فعلتها هذه بالاستغلال، وانضم للهشتاج عدد كبير لم يقتصر على الفتيات فقط ولكنه جمع بعض الشباب كذلك كل واحد ذكر موقف تعرض له بسبب الغلاء.
نانيس، بعد اتساع دائرة الهجوم عليها لم تجد بد من الاعتذار فقامت مسئولة الصفحة الخاصة بها بتقديم اعتذار منها للجمهور قالت فيه: «أول مرة نشوف كمية الهجوم الكبيرة أوي علي نانيس سليم، من ساعة ما بقي لينا وجود علي الانترنت من ٦ سنين باختصار نانيس غلطت لما نزلت صورة البنت بس كانت لحظة غضب مكنش المفروض التصرف يبقي كده بس برضه البنت شتمت واستفزتها جامد طول عمر نانيس بتحب كل البنات وقريبة منهم ونجحت بيهم عشان بيحبوها وبيرتحولها وبياخدوا رأيها في كذا حاجة علي الواتس اب شكل فستان أو طرحة مثلا بنكرر تاني نانيس غلطت بس كانت لحظة غضب كل القريبين منها يعرفوها كويس إنها طيبة مكنتش بقت من انجح بيوتي سنتر في مصر إحنا بنعتذر بشدة لأي بنت موجودة هنا نانيس بتكبر بيكم».
