مدحت العدل يرثي شقيقه سامي بقصيدة

نعى السيناريست والشاعر مدحت العدل، شقيقه الراحل سامي العدل، بقصيدة جديدة قام بنشرها عبر صفحته الشخصية بموقع «فيس بوك»، وتحمل اسم «نمرة تليفون»، وقد وصفه في قصيدته بعمدة الجدعنة.

القصيدة جاء فيها:

نمرة ع التليفون صاحبها مش موجود

هو ف لحظة اختفى وهي ليها وجود

كل ما أقول أمسحها إيديا تخذلني

مكتوبلنا نفترق وبينا خيط مشدود

...

علمني أكون طيب مهما الصحاب خانوا

وكل شيء هين والشرفا بيبانوا

وهو كان السهل ف صعوبة الدنيا

وكان كمان الحياة والكون و ألوانه

...

الصوت اللي كان عالي أجش خلاص

ساكت كما الحزن النبيل للناس

والرهبة مالية المكان بالموت

إحساس مايتوصفش يا غربة الإحساس

...

وكان شريك الألم و الشوق وأحلامي

وهو اللي مد إيديه ف فجر أيامي

سابنا لمين الخال وعمدة الجدعان

النأب كان العدل و المبتدأ سامي

وكان الفنان سامي العدل، قد وافته المنية يوم الجمعة 10 يوليو، عن عمر ناهز 69 عاماً بعد صراع مع المرض.