أول تعليق لريهام سعيد على أنباء طردها من المغرب

ردت الإعلامية المصرية ريهام سعيد، مقدمة برنامج "صبايا الخير" المذاع على فضائية "النهار"، على ما أثير بشأن تصويرها حلقات خاصة بالدعارة والسحر في دولة المغرب، وطردها من هناك.

ريهام سعيد، قالت على صفحتها الشخصية بموقع التواصل الاجتماعي "فيس وك": "اليومين اللي فاتوا انتشرت أخبار كاذبة وإشاعات عن سبب وجودنا في المغرب، أنا بس عايزة أوضح كام حاجه كده.. أولا احنا مصورين في أكتر من 6 مناطق في المغرب، يعني لو المفروض إن فعلا هنصور مع مطرب مغربي بس، مش معقول هنلف بيه في الـ 6 مناطق دي، ثانيا المفروض إننا كنا نرجع أول إمبارح لكن قعدنا يومين زيادة يعني ماتقبضش علينا زي ما هو منتشر".

وأضافت، "ثالثا الحركة دي معمولة من شوية ناس شغالة في قنوات تانية، وبيبلغوا الأخبار دي للصحفيين علشان يأثروا علي سمعة برنامج صبايا الخير ويتشهروا علي حسابه.. رابعا وده الأهم بقي إن لو فعلا كنت قعدت أعلن عن حلقة المغرب دي ماكنتش هعمل عليها بروباجندا زي ما انتوا عملتولي كده، وهتخلوا الناس تستناها أكتر فا شكرا ليكوا، وعلي فكره إحنا لِسَّه موجودين في المغرب".

الإعلامية المصرية أرفقت صورة ضوئية لخطاب المركز السينمائي المغربي، الذي يؤكد سماحه لفريق العمل بتصوير حلقات عن الأماكن السياحية بدولة المغرب - على حد وصفها.