زينة توجه رسالة لمي عز الدين ووالدتها

وجهت الفنانة المصرية زينة رسالة شكر لزميلتها الفنانة مي عز الدين على موقفها ووقوفها معها طوال الوقت هي ووالدتها.

زينة كتبت على صفحتها عبر موقع «أنستجرام»: « طبعا مش عارفه أقولك أي كلمة لأن أي كلمة مش كفاية عليكي، علي جدعنتك ووضوحك مي وقفت جنبي في الوقت اللي كنت في لوحدي خالص هي ومامتها ربنا يديها الصحة والعمر وتفرح بيها يارب».

الفنانة المصرية أضافت: « مي كمان جمهورها الكبير المحترم كان في ضهري ومش عارفه أشكرهم ازاي، والله ما لاقية كلام بس اعرفي إني بحبك أوي وهاتلاقيني جنبك في كل نجاح وفرح ليكي لأني مش متخيلة ليكي يامي غير كل خير ،لأنك ماتستهليش غير الخير والفرحه والنجاح».

زينة اختتمت رسالتها قائلة: « بحبك بحبك بحبك ويارب افرح بولادك على أحسن راجل في العالم اللي يستاهل قلبك يا حبيبتي».

يُذكر أن المحكمة رفضت طلب الاستئناف الذي قدمه أحمد عز على الحكم الذي حصلت عليه زينة بنسب توأمها إليه.