المخرج عمرو سلامة يتخلص من فوبيا لازمته 34 سنة.. شاهد

رغم أنه تجاوز الثلاثين إلا أن المؤلف المصري عمرو سلامة كان يعاني منذ طفولته من فوبيا البحر، ولم يقدر على النزول إليه لدقيقة واحدة.

السيناريست كشف عن تغلبه عن هذه الفوبيا، ونشر صورة له عبر حسابه على «أنستجرام»، وعلق عليها بقوله: « انهاردة يوم تاريخي بالنسبة لي. بعد ٣٤ سنة خوف من العوم والبحر والمية لدرجة اني وانا بستحمى والمية فضلت على وشي شوية بيجيلي هلع، وكل ده بسبب موقفين غرق وانا صغير.. النهاردة انا اقدر أقول بثقة اني بعرف أعوم وعملت اللي طول عمري شايفه خيال علمي».

عمرو أضاف: « كانت هديتي لنفسي في عيد ميلادي اللي فات اني ابدا اتعلَّم وأكسر الخوف والعقدة. على قد ما كان شيء بخجل منه اني شحط كده ومش بعرف أعوم على قد ما انا فخور اني ماتكسفتش اتعلَّم حاجة الأطفال اللي حوليا في البسين بيعملوها بسلاسة كإنها اسهل حاجة في العالم. وللمدرب العظيم اللي استحمل هلعي، انت راجل عظيم. انتظروني بقى في مسابقات فوق السن.. ليه لا؟».