بعد تصريحاته الأخيرة.. عمرو مصطفى يعتذر لعمرو دياب

بعد أن شن هجوما حادا عليه مؤخرا، وجه الملحن المصري عمرو مصطفى اعتذارا خاصا للفنان عمرو دياب.

مصطفى وجه رسالة لدياب، على حسابه الخاص على موقع "الفيس بوك"، اعتذر له فيها عن تصريحاته الأخيرة، حيث قال: "عزيزي عمرو دياب.. أتقدم باعتذار رسمي لما بدر مني وتم فهمه بدون قصد بأنه تجريح في شخصكم.. ولأنه تم في العلن اعتذر في العلن.. وكل عام وأنتم بخير.. رمضان كريم".

وكان عمرو مصطفى، الذي أشاد بدياب مؤخرًا ووصفه بأنه قريب منه جدًا، خلال استضافته في برنامج «تلاتة في واحد»، مع شيماء سيف، فاجأ جمهوره بتدوينه قال فيها: «ورحمة أبويا أنا لا عايز أشتغل مع عمرو دياب، تاني ولا فارق معايا، ولا بحب أجيب سيرته في برنامج لولا المعدين المتخلفين إلي بيقحموا اسمه معايا في جمله مفيدة، خلصنا بقي مرحلة وعدت».

وأضاف: «أقسم بالله العظيم لو دفعلي مليون جنيه في اللحن ما هشتغل معاه تاني أنا بحبه وبحترمه ويا رب يكسر الدنيا أول واحد هيفرحله اتلموا بقي وسيبوني في حالي وفي موسيقتي الفتره القادمة، وعلشان ترتاحوا إلي هيجيب اسمه في أي برنامج مستضفني هسيب البرنامج وأقوم أمشي أرحموني في أيه هو أله».

واختتم تدوينته قائلًا: «في أيه خلاص عملتله تاريخ وخلصنا ولو بتحبوه قوي قولوله ميغنيش أغنيا تاني وشيلوها من اليوتيوب ومتسمعهوهاش تاني عقابًا ليا».