الجمهور يهاجم سلمى صباحي بسبب عمرو سمير والمذيعة ترد

هاجم الجمهور المذيعة الشابة سلمى صباحي بعد ظهورها في حلقة برنامجها «بنات وولاد» وهي تضحك وبدون ملابس الحداد رغم وفاة صديقها عمرو سمير.

سلمى صباحي دافعت عن ظهورها بهذا الشكل وقالت إنها لم تنام منذ أن سمعت الخبر وتستعيد ذكرياتها مع صديقها الراحل، ولا تستطيع التوقف عن البكاء، ولن تسمح لأحد بالتشكيك في حبها له.

سلمى أضافت أنها كان يجب عليها الظهور في البرنامج بهذا الشكل كونها مذيعة محترفة وتعلم أن برنامجها مخصص للأطفال الذي لا ذنب لهم حتى تظهر أمامهم مهي ترتدي الأسود أو تبكي، ولذلك ظهرت وهي تضحك.

وجاء نص رسالة سلمى بقولها: «من ساعة ما عرفت خبر عمرو وانا عايشه في عالم تاني .. عالم كان من 12 سنه ايام #شبابيك بافتح كل الفيديوهات والصور و باعيط كتير وبادعي كتير و لسه مش مستوعبه ومصدومه .. بقالي يومين مش بنام و عياط مستمر مسببلي صداع و عينيا منفخه .. انهارده حلقة رجوع برنامجي بنات وولاد بعد اجازة رمضان و ده برنامج أطفال و انا مذيعه محترفه و لازم افصل بين حياتي وشغلي خصوصا اني طالعه أطلّ على أطفال بيستنوني كل اسبوع عشان يفرحوا مالهمش ذنب اطلع حزينه ولا مكشره ولا لابسه غامق ولا اي مظهر من مظاهر الحزن دي .. كان صعب جدا اطلع باضحك لأني فعلا جوايا وجع كبير لكن كان لازم اعمل كده وافرح الاطفال اللي معايا في الستوديو او اللي متابعيني في البيوت ..

الناس اللي عقولها مريضه و قلوبها قاسيه اوي و مش فاهمه ولا حاسه بيا واللي حزنهم عمره ما هاييجي نقطه في بحر حزني وبيلوموا عليا عشان طلعت حلقة انهارده ضحكت ولبست فاتح .. ربنا مايوقعكوا في ناس شبهكوا بلا احساس! اعوذبالله».

يُذكر أن جثمان عمرو سمير سيصل القاهرة يوم الاثنين ورحل الفنان الشاب بعد تعرضه لهبوط حاد في الدورة الدموية.