عمرو مصطفى يعتذر لعمرو دياب ويعترف: كان سبب كبير في شهرتي

اعتذر الملحن والفنان المصري عمرو مصطفى من الفنان عمرو دياب، في بيان جديد عبر صفحته الشخصية بموقع «فيس بوك».

عمرو مصطفى، قال في بيانه: «عمرو دياب، الصيف مايبقاش صيف من غيره، هو مش بس استاذي، هو صديق وأخ، من أول ما مسكت الجيتار، من أول ماكنت أنا وأصحابي مابنفوتلوش ولا حفلة».

وأضاف: «سوء التفاهم بيحصل بين كل الناس لكن أنا عمري ما قلت أو لمحت حتى بأي إهانة ليه، بالعكس كنت مدافعا عنه دايما حتى في وقت بعدنا عن بعض».

واختتم كلامه قائلًا: «وأنا لازم اعترف بعد اللي وصلت ليه بفضل الله أنه كان سبب كبير في شهرتي، إيمانه بيا وبموهبتي كان دايما حافز ليا اني أبدع.. عمري ما سمعت أنه قال كلمة وحشة عني لأنه إنسان راقي قبل ما يكون فنان راقي.. خلافتنا كانت بسبب شركة إنتاج مش أي حاجة تانية.. كنت ولازلت بتعلم منه وبستنى جديده زيي زي الملايين من جمهوره اللي ذكرياتنا كلها على أغانيه.. مستنيين ألبوم الهضبة عمرو دياب».