راندا البحيري تكشف تفاصيل تعرضها لعملية نصب

كشفت الفنانة المصرية راندا البحيري عن تعرضها لعملية نصب من قبل إحدى الشركات العقارية، حيث استغلتها في الدعاية لها، ولم تدفع لها أي مقابل.

راندا روت تفاصيل ما حدث معها، على حسابها على "انستجرام"، حيث قالت: "المعادي ڤيو الشروق. عملوا من فتره قصيره event كبير جدا. وطلبوا من جنات انها تحيي الحفلة و اني اكون موجوده كضيفه شرف للحفلة. و اكيد فيه مقابل مادي لده. انا سبت شغلي وكان سفر وقطعت السفر ده و نزلت اعمل لهم دعاية لمنتجهم. و فهمت كويس عن المشروع و اتكلمت عنه في اكتر من محطه تليفزيونيه واستغلوني في جميع دعاياتهم و استغلوا وجودي و اسمي".

وأضافت: "وبعد ما الشغل خلص. اختفوا و مدوليش حقي المتفق عليه . عايزه اعرف. هل الوسيط اللي بيني و بينهم هو السبب وهو اللي نصب عليّ. ولا هم شخصيا. لانهم لو عملوا حركه زي كده و نصبوا علي ممثله ليها اسمها. يبقي هيعملوا ايه في البني آدمين اللي اشتروا واللي هيسلموهم شققهم المفروض؟؟؟؟ عموما انا منزله البوست ده علشان عايزه اعرف هل الوسيط هو اللي سرقني. و لا هم شخصيا. و مستنيه رد منهم. لان مفيش حد فيهم بيرد علي تليفونه. و ان شاء الله خير".