صور.. حفل زفاف ابنة الفنان الراحل حسن الأسمر

احتفلت نعمة نجلة الفنان المصري الراحل حسن الأسمر، بزفافها قبل أيام، ونشرت صور حفل زفافها عبر صفحتها الشخصية بموقع «فيس بوك».

نعمة، طلبت من رواد إحدى الصفحات النسائية أن يضع صور والدها برفقتها وهي بفستان الزفاف وذلك حتى يتحقق حلمها بأن يحضر والدها حفل زفافها والذي لم يمهله القدر لتحقيق ذلك.

نعمة قالت عبر صفحتها الشخصية بموقع «فيس بوك»: «إمبارح زي دلوقتي عملت بوست ف جروبات حد يعرف إني عازوة اعمل صورتي وأنا عروسة مع بابا الله يرحمه».

وأضافت: «بصراحة بجد كل البنات اللي عملتلي وبعتوهالي وفرحوني كتير أوي، كتر ألف خيرهم أوي أوي، وألف شكر ليهم من كل قلبي، وانبسطت أكتر بردود معظم البنات لما دعوا لبابا بالرحمه واللي شكرو فيه وفي مشواره واللي قالو عليا عروسة جميلة».

وأنهت  كلامها موجهة الشكر لكل من قام بتعديل الصور والتعليق عليها قائلة: «أنا اقسم بالله مش عارفة أشكر كل بنت فيكم إزاي وكان نفسي أرد علي كل الكومنتات، أو حتي اعمل لايك بس والله من كترهم والله مش عارفة وغصب عني، وكل الصور وصلتني، كتر ألف خيركم بجد وربنا يفرح قلوبكم زي ما فرحتوني، ياريت اللي يشوف كلامي ياخده سكرين شوت ويوصله لأي بنت فكرت تفرحني، ألف الف شكر».