أول رد من وليد منصور على بلاغ محمد رمضان ضده

رد المنتج ومنظم الحفلات المصري وليد منصور، على البلاغ الذي تقدم به الفنان محمد رمضان ضده يتهمه فيه بالسب والقذف.

وليد منصور، أبدى دهشته في تصريحات صحفية من كلام محمد رمضان، مؤكدًا أنه لم يوجه أي حديث لأي فنان.

وأضاف: «أنه يحترم القانون وفي حالة استدعائه سيرسل المحامي الخاص به، وأنه كان يوجه كلامه لشخص يدعي "محمد مرضان" ولم يسئ لأي فنان على الإطلاق.

كما عبر وليد منصور، عن سعادته لنجاح فيلم «البدلة»، والذي يقوم ببطولته الفنان تامر حسني، والفنان أكرم حسني، مؤكدا أنه تخطى حاجز الــ20 مليون في 6 أيام.

وكان الفنان محمد رمضان قد تقدم ببلاغ رسمي يتهم فيه المنتج وليد منصور بالسب والقذف، بعد نشر وليد منصورن منشور عبر صفحته الشخصية بموقع «فيس بوك»، جاء فيه: «رساله موجه مني المنتج وليد منصور إلى شخص مجنون يدعى محمد مرضان وصلني انك بتبعت رسائل من تليفونك الشخصي تتهمني فيها بتغير ارقام الإيرادات.. مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمين بس انت زودتها قوي يا حماده».

وأضاف: «أولاً انت اسمك لازم كل مصر تغيره ل محمد مرضان لإنك بتفكرني بالمجانين اللي ماشين في الشارع ومش عايزين يصدقوا انهم مجانين فإرتاح يا حماده محدش عاقل هيصدقك عمرك ما كنت رقم ١ في الإيراد وعمرك ما كنت احد نجوم الصف الاول وانت عارف ان السبب ان فنك هابط يامرض للأسف متعرفش تعمل غير دور المدمن او البلطجي او ارهابي او حرامي انا كان نفسي متكلمش عنك لإنك أصلاً بالنسبالي وبالنسبه لكل الشعب الراقي المحترم اكذوبه وانت عارف كويس ان أفلامك طول عمرها بتفشل قدام النجوم المحترمه زي السقا وعز وتامر وأستاذ عادل إمام».

واختتم كلامه بقوله: «نصيحه يا مرضان روح أتمرن تمثيل بدال مانت أداءك واحد في كل أدوارك يابني انت طبعاً انت هتموت عشان مش عارف تشتري ڤيوز زي أغانيك الهابطه فمفضوح اوي قدام الغلابه اللي مصدقينك اللي بينقرضوا واحد ورا التاني يا ولا قسماً بالله لو لقيتك بتهرتل على اي حد تاني هيكون ردي اعنف من كده واصلاً انا لسه مخلصتش ردي انت هتموت من الغيظ عشان البدله ولسه هنعلم اكتر وانت عارف هتتمسخر ازاي الفتره اللي جايه زي مااتمسخرت فكل أفلامك اللي فاتت».