إيناس عزالدين تتعرض لحادث سير برفقة طليقها.. صور

تعرضت الفنانة المصرية إيناس عزالدين، نجمة برنامج "أراب أيدول"، لحادث سير خطير، وكان برفقتها طليقها أحمد قمر.

الفنانة المصرية نشرت مجموعة صور لسيارتها المحطمة، على حسابها الخاص على موقع "الفيس بوك": " اتكتب لنا عمر جديد العجلة الخلفية انفجرت فجأة عالسريع واربع عربيات دخلوا فينا من كل الاتجاهات ولولا ستر ربنا كان زماننا في عداد الاموات".

وأضافت: "والعربيات تعدي وتتفرج علينا وتمشي مافيش انسان او راجل عنده نخوة او شهامة وقف يشوف فينا ايه او يطلب اسعاف او او او.. الخير قل اووووي والناس ماتت بالحياة.. حمداً لله على سلامتك وفداك الدنيا كلها Ahmed Kamar".

جمهور الفنانة المصرية انهالوا عليها بالتعليقات للاطمئنان على حالتها الصحية، كما تسائلوا إن كانت قد عادت لزوجها الفنان أحمد قمر، بعد انفصالها عنه في شهر مارس الماضي.

وكانت إيناس عزالدين قد أعلنت انفصالها عن زوجها الفنان أحمد قمر في شهر مارس الماضي، حيث كتبت، على حسابها الخاص على “الفيس بوك”: “بعلن انفصالي عن زوجي احمد قمر بكل حب و ود واحترام وتقدير ممكن نكون اختلفنا كأزواج اننا نكمل مع بعض او النصيب وقف لحد كده بس هيفضل صديق عمري كله.. بتمنالك كل خير وكل سعادة ونجاح يا احمد يا انضف انسان عرفته في حياتي.. كله قسمة ونصيب”.

وردت على من اتهمها بالكذب، قائلة: “معلومة دي مش كدبة ابريل ولا ده خبر هزار.. هو ليه الناس مش متقبلة فكرة اننا انفصلنا واحنا بنحترم بعض وبنحب بعض وشايلين لبعض الخير والتقدير واننا اختلفنا كزوجين واكيد القرار ده ما اخدناهوش وليد اللحظة وقبل ما نعلنه اتناقشنا كتير وقررنا ننفصل بالمعروف واحنا شايلين وفاكرين لبعض كل حاجة حلوة.. مش لازم نذم في بعض ونغلط في بعض وكل واحد فينا يقول التاني كان مطلع عينه علشان الناس تتقبل فكرة انفصالنا”.

وكشفت عن أسباب الانفصال بقولها: “احنا اختلفنا وصعب نكمل كزوجين بس مستحيل نبطل اننا نفضل في حياة بعض كأصدقاء لاننا طول عمرنا كنا اصدقاء حتى واحنا متجوزين والعشرة مش بتهون بالساهل ومش معنى اننا اختلفنا وانفصلنا كأزواج اننا نكره بعض ونغلط في بعض وما نشوفش بعض ونعادي بعض.. احنا هنفضل اهل غصب عن اي شيء وبنكن لبعض كل حب واحترام وتقدير”.