منى هلا تدعم المطلقات في الهند بطريقة غريبة.. شاهد

شاركت الفنانة المصرية منى هلا، متابعيها عبر صفحتها الشخصية بموقع «إنستجرام»، بصورة حديثة لها.

منى هلا، ظهرت في الصورة وهي تضع ماسك على وجهها وكشفت تفاصيل في تعليق لها على الصورة قائلة: «ده ماسك عبارة عن ربع موزة وحتة أفوكادو صغيرة مهروسين وعليهم كام نقطة ليمون لشد البشرة والتجاعيد من غير ماينشفها عشان الافوكادو مرطب عظيم للبشرة».

وأضافت: «الحلق اللي لابساه ده اشتريته من قرية في الهند بتدعم المطلقات والمعنفات أسريا وطبعا أنتو عارفين إن الطلاق في الهند يعتبر عار كبير و ستات كتير بتتعرض لأذى نفسي وجسدي وضرب و أحيانا حرق وشها بسبب إنها مش مرتاحة مع جوزها و طلبت الطلاق».

وتابعت: «اللي عجبني في المصنع ده أنه بيشغل الستات دول وبيحاول يخلقلهم بيئة عمل وحياة كريمة من غير الذل لأهلها ولجوزها».

من ناحية أخرى، شاركت منى هلا، مؤخرًا في فيلم «ليل خارجي»، ووشاركها البطولة فيه كريم قاسم، وأحمد مالك، وبسمة، وعمرو عابد، وأحمد مجدي، وصبري عبدالمنعم، وأحمد يسري، والفيلم من تأليف شريف ألفي.