سالي عبدالسلام تطلب من جمهورها الدعاء

كشفت الإعلامية المصرية سالي عبدالسلام عن مرور والدتها بوعكة صحية شديدة، وطالبت جمهورها بالدعاء لوالدتها.

سالي نشرت صورة جمعتها بوالدتها، على حسابها الخاص على موقع "انستجرام"، وأرفقتها بتعليق قالت فيه: "الدعاء يغير الاقدار..وغيرتوا كتير قبل كدة بدعائكم والله ادعوا لأمى.. يا رب طمنى عليها يا رب وميطلعش فيها حاجة وحشة يا رب".

وأضافت: "يا رب التحاليل والفحوصات الأيام دى ميطلعش فيها حاجة وحشة يا رب والنتيجة خير.. متقلقهاش ولا تقلقنى عليها يا رب.. اللهم عافيها قبل المرض..اللهم خيب الظنون ويطلع تشخيص غلط يا رب انت القادر على كل شئ يا رب.. اللهم احفظها يا رب و يحفظ ليكم اهاليكم يا رب".

وكانت سالي عبدالسلام قد عانت مؤخرا من مرض مناعي أصاب شعرها منذ ما يقرب من عام، والذي أدى إلى تساقطه بشكل كبير، كاشفة أن هذا المرض هو مرض “الثعلبة”، إلا أنها أكدت أنها قد شفيت منه.

وقالت:“قبل فرح اخويا بيوم!!! من سنة تقريباً بتعالج بالكورتيزون واتبهدلت.. جسمى ووشى كله اتبهدل عشان اعالج شعرى.. الحمدلله حقن الكورتيزون فى الرأس كل اسبوع ٧٠ شكة عداهم! من وجعها وتقلها وحرقانها دموعى كانت بتنزل لوحدها والدكتورة تطبطب عليا (سماح الملاح ..ربى يسعدك) وامى مستحملتش من اول مرة مردش اجيبها تانى معايا وكنت بخبى عليها واقولها مخدتش الاسبوع ده!”.

 وتابعت: “جالى ١٢ ثعلبة فى شعرى فاضيين تماماً سبحانك! لا stress ولا زعل ولا كلام فاضى الدكتور نفسه قالى عين انا مشفتش حد كدة!!! وانا قلت لا.. مع ان العين حق.. وانا مؤمنة بالحسد ولا اتناقش فيه وميهمنيش رأى حد.. ومن الأسباب مشكلة فى مناعة جسمى.. جسمى كله كان بيهاجم شعرى.. سبحانك.. الحمدلله.. ابتلاء فى اكتر حاجة بحبها و بخاف عليها!”.