جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

شيرين عبدالوهاب: كلامي تم تحريفه

الثلاثاء 26 مارس 2019 | 03:57 مساءً
القاهرة - Gololy
490
شيرين عبدالوهاب: كلامي تم تحريفه

وجهت الفنانة المصرية شيرين عبدالوهاب، عدة رسائل جديدة أوضحت من خلالها حقيقة الأزمة التي تعرضت لها بعد اتهامها بالإساءة لمصر.

شيرين عبدالوهاب، قالت في سلسلة تغريدات عبر صفحتها الشخصية بموقع «تويتر»: «عاوزة أتكلم من قلبي مع كل واحد من أهل بلدي الحبيبة، ومن أهلي وأصدقائي وزملائي؛ اللي قدروا يفهموا ويصدقوا إني لا يمكن أسيء لبلادي اللي أنا كلي من خيرها ولا يمكن أنكر فضلها عليا، بجد باشكركم وباحبكم، وبعتذر للي أساء فهم كلامي من كل قلبي».

وأضافت: «أحب أوضح لكل الناس اللي حقهم يعرفوا إن ما كُتب عني في الصحافة ونُسب لي غير صحيح بالمرة، وتقدروا تتحقوا من صحة كلامي من الفيديو الموجود مع إنه ممنتچ عن قصد علشان يطلعني غلطانة، ما قيل على لسان النقابة والصحافة إني قلت (أنا هنا أتكلم براحتي عشان اللي بيتكلم في مصر بيتحبس)، وطبعاً ده مش حقيقي، وماقلتهوش، لأن الكلمة بتفرق!».

وأوضحت: «اللي قلته نصاً وهو موجود بالفيديو "أنا هنا أتكلم براحتي عشان في مصر ممكن يسجنوني" - فيه فرق كبير بين الجملتين! أنا كنت بتكلم عن موقف شخصي لما هزرت علي المسرح من قبل ورُفعت عليا دعاوى وصدر حكم بسجني سنة وسددت كفالة، واستأنفت واتلغى الحكم في الاستئناف! وبعدين اترفع عليا جنحة مباشرة عن نفس الواقعة، واتحكم فيها بعدم اختصاص القضاء المصري بما وقع في الشارقة؛ هذا ما كنت أقصده والله أعلم بالنوايا».

واختتمت كلامها بقولها: «بحبك يا بلدي مهما حصل، ودايماً  تحيا مصر».

شيرين عبدالوهاب
شيرين عبدالوهاب
شيرين عبدالوهاب حفل البحرين
شيرين عبدالوهاب حفل البحرين
شيرين عبدالوهاب حفل البحرين
شيرين عبدالوهاب
شيرين عبدالوهاب