كم يدفع حبيب العادلي لمن يخدمه داخل السجن؟

إذا أردت أن تعرف خبايا وأسرار النظام السابق فلن تجد إلا من كانوا بالقرب من هؤلاء حتى وإن كانوا في سجن طره، إسلام عبد الله عمره 31 عاماً واحداً من هؤلاء الذين تم الإفراج عنهم مؤخراً بمناسبة عيد الأضحى.

إسلام يحكي عن كواليس سجن طره ونزلاءه من نظام مبارك، فيقول: «حبيب العادلى كان بيدفع لمن يخدمه داخل السجن والذي يطلق عليه عسكري الخدمة 900 جنيه في الشهر، وكل زيارة كان بيديله 200 جنيه، بس العسكري ده وكان اسمه شريف أي حد في السجن مهما كان ما كانش يقدر يكلمه، ولا يفتح بقه معاه، وكان بيريحه آخر راحة وما بيطلعش أي أشغال في السجن زى باقي العساكر المساجين».

وأضاف: «وحبيب العادلى في السجن بيعامل على إنه وزير الداخلية بالظبط، كل الناس بتديله التحية العسكرية ومفيش حد بيقوله غير يا حبيب باشا ويا أفندم، وهو ما بيطلبش حاجة من حد، لكنه بيصدر أوامر لكل اللى موجودين بيسمعوها وينفذوها في الحال، حتى زياراته كلها بتتم في غرفة مأمور السجن أو نائب المأمور على الأقل».