فيسبوك: محمد مرسي يكافئ صفوت الشريف بالشورى!

يتعرض الدكتور محمد مرسي لهجوم عنيف الآن، بعد قرار إخلاء سبيل صفوت الشريف، رئيس مجلس الشورى السابق، في قضية الكسب غير المشروع بكفالة قدرها خمسين ألف جنيهاً.

نشطاء مواقع التواصل الاجتماعي هاجموا الرئيس المصري بعنف قائلين، «أين أنت يا مرسي؟ القتلة اخدوا براءة.. ازاي صفوت الشريف ياخد براءة.. يسقط يسقط حكم المرشد»، «الرجولة بتقول بما إن صفوت الشريف طلع براءة من الجمل والكسب في الطريق، يترد له حقه، مرسى يعينه رئيس مجلس الشورى بقى، ماهر كله فلول»، «يعنى الثورة الجاية على الإخوان هنلاقى في الميدان صفوت الشريف بدل صفوت حجازي، وكأن أهم حاجة إن يبقى في الميدان واحد اسمه صفوت وخلاص»، فيما كتب آخر «بعد الإفراج عن الشريف واحد إخواني بيقوللي موتوا بغيظكم»، «الإفراج عن صفوت الشريف بما لا يخالف شرع الله، إحنا في زمن الشريعة والاستقرار».

وربط معظم المعلقين بتوقيت خروج الشريف وعقد جلسات مجلس الشورى، قائلين: «صفوت الشريف خرج في وقته، يا إما يمسك الإعلام ويظبطه زى زمان، يا إما يمسك مجلس الشورى ويحضنا كلنا من تانى»، «صفوت الشريف خرج علشان يحلق دقنه ويظبط نفسه كده علشان بكره أولى جلسات مجلس الشورى وهو اللى معاه مفاتيح الأدراج»، وأخيراً علق ناشط بقوله: «إخلاء سبيل صفوت الشريف تحقيقًاً لوعود مرسي بالإفراج عن الثوار».