حمدي رزق: كده تغرد على نفسك يا وله؟!

سخر الكاتب الصحفي المصري حمدي رزق من تغريدة حسن الشاطر نجل خيرت الشاطر التي هاجم فيها متظاهري 30 يونيو 2013، مشيرا إلى أنهم حزب الكنبة الذين كانوا يهاجمون ثوار التحرير أثناء الثورة.

رزق قال ساخرا: «الله يخيبك يا واد يا حسن، كبرت يا وله وبتغرد، يا حلاوة يا ولاد، الواد حسن ابن الشاطر عنده تويتر وبيتوتر، تعالى لعمو، تعالى يا وله، أنا عمو، والله والنملة طلع لها سنان، ابن الشاطر طلع شاطر قوى وبيغرد، السح الدح امبوه الواد طالع لأبوه».

وأضاف: «كده تغرد على نفسك يا وله؟! تعملها يا حسن! حاسب يا حبيبى تقع من على تويتر، ما يقع إلا الشاطر، وإنت شاطر وأبوك شاطر، عيب يا حسن، لما الرجالة تتكلم العيال تسكت خالص،  الليلة الكبيرة يوم 30 يونيو، ستشاهد عجباً، ولا فى الأحلام، ما ينتظركم سيشيب من هوله الولدان الصغيرين اللى فى سنك، عشنا وشفنا، يعملوها الصغار ويقعوا فيها الكبار، والذرية المتوترة تجيب لأهلها اللعنة».

وتابع- في مقاله بجريدة «المصري اليوم»-: «وما له يا حسن غرد يا خويا غرد، ليس على عيال الإخوان من حرج، الواد ده لسه صغير، قاعد فى اللفة صغير، وده خلى العقل تحير، إكمنه شاف أبوه قيادى قد الدنيا، السح الدح امبوه».