محمود سعد يطلب مساندة جمهوره لمواجهة أحمد سبايدر

طلب الإعلامي المصري محمود سعد من جمهوره مساندته في البلاغ الذي قدمه الناشط أحمد سبايدر ضده، هو والإعلامي خيري رمضان، يتهمهما بمساندة أبلة فاهيتا والاستهزاء ببلاغه للنائب العام ضدها.

سعد قال ساخرا: «أنا عندي مشكلة، بصراحة جامدة جدا، عايز مساندتكوا معايا لإن موقفي صعب، لإن الناشط أحمد سبايدر بيتهمني إني ساندت فاهيتا، أنا اتسرعت إني دافعت عن فاهيتا، وأرجوكوا تساندوني لما أروح النيابة تبقوا تيجوا تقفوا معايا، وانا هكلم فاهيتا تيجي تشوف لنا حل في الحكاية دي».

وأضاف -في برنامجه «آخر النهار» على قناة «النهار»-: «المسألة بقت مش مهزلة، دي بقت فوق الوصف، ده أنا مصدقتش الخبر، وأنا ما دفعتش عن أبلة فاهيتا، أنا كل اللي عملته إني أجريت معاها حوار، في إيه؟!».