حازم الببلاوي: «فضّ رابعة» كان قرار صعب ولكني مرتاح 100%.. فيديو

شدد الدكتور حازم الببلاوي، رئيس مجلس الوزراء السابق، على اقتناعه بضرورة فض اعتصامي أنصار جماعة الإخوان المسلمين في ميدانيي رابعة العدوية والنهضة.

وقال الببلاوي، خلال حواره على فضائية «دريم» مع برنامج «العاشرة مساء»: «أنا «مرتاح الضمير» لما تم في فض رابعة العدوية، أنا مسئول أمام ربنا، وهو اللي هيحاكم الناس.. ربنا هو اللي هيحاكم الناس على ما ارتكبته من أخطاء».

وأضاف رئيس الوزراء السابق: «ولا تنس أنه في أحيان كثيرة تضطر تقوم بأعمال يترتب عليها ضحايا حماية لناس أكتر ممكن يكونوا ضحايا، وفي الحروب لما بلد بتتعرض لهجوم من بلد تانية البلد بتبعت أولادها يحاربوا وبيموتوا ومش بنقول إن البلد بتقتل أولادها لأنك حميت البلد والشعب بالكامل».

وأكد أنه كان قرار صعب «إنك تشوف دم مصري، سواء كان في رابعة أو خارجها، لكن في الأخر يهمك ما تعتقد أنه المصلحة الكبرى، وفيه رب العباد اللي هيحكم.. كل واحد مسئول أمام ضميره، وأنا مرتاح 100% لما حدث».