دارين شاهين ترحل عن شاشة «الجديد».. شاهد

أعلنت الإعلامية اللبنانية دارين شاهين رحيلها عن شاشة "الجديد"، والتي عملت بها لمدة 12 سنة منذ بداية مشوارها الإعلامي، وحتى الآن.

دارين نشرت صورة لها من أول ظهور إعلامي لها على شاشة "الجديد، وعلقت عليها بقولها: "هيك كانت بدايتي مع حلم الشهرة بعالم الاعلام، على شاشة المؤسسة اللبنانية للإرسال ظهرت للمرة الاولى ببرنامج ستوديو الفن وكنت ما زلت عم تابع دراستي سنة تاني بكلية الاعلام، نجحت و نلت الميدالية عن فئة تقديم البرامج وكانت البداية الفعلية على شاشة الجديد يلي حضنتني و منت فيي فكانت نشرة الطقس و برنامج نيو جي الشبابي".

وأضافت: "١٢ سنة مرقت بغمضة عين والبنت الصغيرة كبرت وصارت تطالب بالمزيد لأنو حلما كبر والي كان يرضي طموحاتها هي وبالعشرين ما بقى يرضيها اليوم.. ومتل ما البنت بدا توصل لليوم يلي رح تترك في بيت اهلها تتحقق أحلامها، أنا اليوم رح بترك المحطة الأحب على قلبي ، عائلة خياط بحبكن كتير، مريم البسام انسانة عظيمة، كتار هني الأشخاص اللي بحبن بهالمكان الحلو والمتواضع والعفوي.. الشهرة اليوم ما عادت حلمي ، و إنما صار القلق الوحيد عندي إنّو ما ادعس دعسة ناقصة من بعد كل يلي تعبتو. أنا بطبعي محاربة وما بنسحب بسهولة بس ببعض الأحيان للضرورة احكاما. هيدي الفترة رح تكون استراحة محارب، و متل ما حققت كل شي بطمحلو لليوم أكيد بوعدكن بالمزيد ... إلى اللقاء".