جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

ابنة سامي العدل تحيي الذكرى الثالثة لرحيله بكلمات مؤثرة.. شاهد

الثلاثاء 10 يوليو 2018 | 03:45 مساءً
القاهرة_ Gololy
558
ابنة سامي العدل تحيي الذكرى الثالثة لرحيله بكلمات مؤثرة.. شاهد

أحيت رشا العدل، ابنة الفنان المصري الراحل سامي العدل، ذكرى رحيله الثالثة التي توافق اليوم الثلاثاء 10 يوليو، وذلك عبر صفحتها الشخصية بموقع «فيس بوك».

رشا، نشرت صورة تجمعها بوالدها، وعلقت عليها قائلة: «3 سنين النهاردة عدت عليا من غيرك وأنا في حالة توهان، سنة 96 كتبت لك جواب ووصلته لمكتبك لما كنت مخاصمني عمري ما هانساه.. وصفت حالتي من غيرك من 22 سنة، وهي هي نفس حالتي من غيرك بقالي 3 سنين.. شبهت نفسي بالوطواط اللي تاه ودخل أوضة مليانة نور واتقفلت عليه وفضل يتخبط في الحيطان، ويقع ويقوم تاني يتخبط، وهكذا تائه موجوع حزين».

وأضافت: «سبتني بدري وما كنتش شبعت منك سيبتني من غير ما تقول لي أعمل إيه في حياتي من بعدك وأديني ماشية بخبط في جدران الحياة واقع وأقوم أتخبط.. بدعي ليك كتير أوي واللي ربنا بيقدرني عليه بعمله وبتمنى ربنا يتقبل مني علشانك أنت، ربنا يرحمك ويحسن إليك.. اللي كان بيحبه واللي بيحبوني أتمنى تلاقوا في وقتكم لحظة تقروا له الفاتحة أرجوكم ربنا يجعله في ميزان حسناتكم».

يذكر أن الفنان سامي العدل، رحل عن عالمنا يوم 10 يوليو 2015، بعد صراع مع المرض عن عمر يناهز الـ 69 عامًا.

سامي العدل
سامي العدل