جولولي | مخرج مصري يتوعد محمد صلاح بعد أزمة الفيديو الفاضح
  • شمس البارودي
  • كيم كاردشيان
  • عادل إمام
  • أبو بكر عزت
  • هيفاء وهبي
  • أنور إسماعيل
  • إسماعيل ياسين
  • سيرين عبد النور
  • شريهان
  • استيفان روستي
  • سعيد صالح
  • خالد صالح

القاهرة - Gololy

انتقد المخرج المصري محمد دياب، قرار اتحاد الكرة المصري بعودة اللاعب عمرو وردة، إلى صفوف منتخب مصر خلال بطولة أفريقيا مرة أخرى، بعدما تم استبعاده مؤخرا بسبب ظهور فيديو فاضح له.

المخرج قال على صفحته الشخصية بموقع التواصل الاجتماعي “فيس بوك”: “الناس الكتير اللي محبطه من اللي حصل في موضوع وردة، لسه عندنا كتير نقدر نعمله.. من أول مقاطعة المنتخب، لغاية إننا نروح الاستاد ونشجع ضدهم -ورده واللي أيدوه-.

دياب أضاف، “لو في مصر وردة يقدر يهرب من العقاب فاليونان اللي بيلعب فيها وإنجلترا -اللي بيلعب فيها اللاعيبه اللي أيدوه- بلاد مبتتسامحش في التحرش.. في أوروبا القصة بتفاصيلها الواضحة لما تتعرف بقوة السوشيال ميديا، ميه في الميه هتأثر في كاريرهم وهتشوفوا وردة فريقه بيسرحه”.

وتابع: «كل البنات عاهرات زيك.. دي جملة من كلام وردة في الشات تفهمك بيفكر إزاي.. من خبرتي المتواضعة في موضوع التحرش عشان الفيلم إلى عملته وقضيت فيه ٣ سنين بحاول افهم المتحرش بيفكر إزاي، فوردة متحرش محتاج علاج نفسي وإعادة تأهيل بس بسبب إن الموضوع اتحل بسهولة فهو مش هيسعى للعلاج ومؤكد هيرجع يعمل مصيبة، حتى لو اتجوز فممكن يضرب مراته مثلاً.. يعني اللي ساعدوا وردة يطلع من الموضوع بدون عقاب حقيقي ووقفة مع النفس في الحقيقة بيأذوه» .

واختتم: “شخصياً قررت إن الموضوع ده هيبقى ٦٧٨ الجزء التاني، عشان لما صلاح والمحمدي يلاقوا اسمهم في كل مهرجانات العالم وجرايد العالم الفنية مربوط بأنهم أيدوا متحرش يبقوا يعرفوا إن الله حق، وكل شخص مشهور هيفكر يشاركنا أفكاره الرجعية المدمرة يفكر ألف مرة”.

يشار إلى أن اتحاد الكرة، كان قد أعلن عودة عمرو وردة، لاعب المنتخب الوطني للانتظام في معسكر الفراعنة الجاري بعد قبول اعتذاره عن مقطع الفيديو الفاضح المنتشر له في الساعات الأخيرة.. وذلك بعدما قرر هاني أبو ريدة، رئيس الاتحاد المصري والمشرف العام على المنتخب الوطني، استبعاد اللاعب من قبل.



عدد التعليقات (0)

الاسم (مطلوب):

ما هو مجموع 5 + 5

أخبار الرئيسية: