جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

رضوى الشربيني تبكي هيثم زكي وتكشف: مش مستعدة للموت والمفروض أتحجب

الاحد 10 نوفمبر 2019 | 01:35 صباحاً
القاهرة - Gololy
712
رضوى الشربيني تبكي هيثم زكي وتكشف: مش مستعدة للموت والمفروض أتحجب

بكت الإعلامية المصرية رضوى الشربني على الهواء، خلال حديثها عن وفاة الفنان الشاب هيثم أحمد زكي، في برنامجها "هي وبس".

الإعلامية المصرية قالت: "الحياة لهتنا عن إننا هنقابل ربنا وعن العبادة وإننا هنموت في أي وقت.. وأنا أولكم.. الحياة لهتنا عن أهالينا وإخواتنا وأحبابنا.. موت هيثم عمل صدمة في وشنا خلانا عندنا تأنيب ضمير وحاسين بالذنب تجاهه هو شخصيا".

وأضافت: "كنا بنقول هو ممثل ليه هو لازم يطلع ممثل زي أبوه؟ وقد يكون كانت دي هي الوسيلة الوحيدة لكسب الرزق بعد أبوه وأمه ما ماتوا، لكن إحنا مارحمنهوش اللي نايعرفهوش.. والناس اللي تعرفه مكنتش بتوده ولا بتسأل عليه".

وتابعت: "محدش فينا مستعد إنه يقابل ربنا.. واحدة زيي المفروض إنها تكون محجبة مفروض نكون بنصلي ولا بنكذب ولا بنم ويكون في ود ومودة ورحمة.. بس مفيش".

واستطردت: "أنا مش داعية إسلامية خالص على فكرة وهبدأ بنفسي، موت هيثم خلاني مش عارفة.. اللي يقدر يقرب من ربنا أكتر من كده يقرب، وأنا أولكم.. اللي يقدر يقرب يعمل ده لأن الموت قريب أوي".

وكان الفنان المصري هيثم أحمد زكي قد رحل عن عالمنا في الساعات الأولى من فجر الخميس 7 نوفمبر الجاري، عن عمر ‏ناهز 35 عاما، إثر تعرضه لهبوط حاد في الدورة الدموية.

هيثم احمد زكي
هيثم احمد زكي
هيثم احمد زكي
رضوى الشربيني
رضوى الشربيني