جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

منى هلا للساخرين من النجم العالمي خواكين فينكس: غباء وغرور

الخميس 13 فبراير 2020 | 01:02 صباحاً
القاهرة - Gololy
831
منى هلا للساخرين من النجم العالمي خواكين فينكس: غباء وغرور

دافعت الفنانة المصرية منى هلا، عن النجم خواكين فينكس، صاحب شخصية "الجوكر"، الشهيرة بعد فوزه بجائزة الأوسكار أفضل ممثل عن دوره فى فيلم "الجوكر"، وحديثه عن الحيوانات والرفق بها.

منى هلا، قالت في تدوينة عبر صفحتها الشخصية بموقع "إنستجرام": "خطاب عظيم ألقاه الممثل خواكين فينكس عن أهمية الرفق بالحيوان و الحفاظ على كوكب الأرض من خلال الاتجاه للنباتية اللى أصبح ضرورة مش رفاهية لإنقاذ ما يمكن انقاذه".

وأضافت: "الصبح انهالت طبعا ميمز التريقة السخيفة و اللى إن دلت على حاجة بتدل على جهل و غباء و غرور و عند مش طبيعيين، يعنى على الأقل الراجل طلع اتكلم فى إنك تبقى صوت اللى أضعف منك و إنك تبقى رحيم مع الحيوان لإنه بيحس زي البشر بالظبط لا حرض على عنف و لا إرهاب و لا قال إن لبس الست سبب في التحرش و لا كل القرف اللي بنسمعه و بنشوفه كل يوم و محدش بيتريق عليه و لا بيقرب له".

وواصلت منى هجومها على منتقدين خطاب صاحب الأوسكار: "بصراحه أنا شايفة إن ده قصر ديل مش أكتر و احساس بالذنب بيدارى عليه بالتريقة الفجة اللى ملهاش أى لازمة خالص".

وأكملت رسالتها بالقول: "البشر مش عاوزين يعترفوا إنهم جنس مؤذى لغيره من الكائنات اللى بتشاركه العيشة على هذا الكوكب... فعلى الأقل لو مش قادر ترحم غيرك من المخلوقات من التعذيب والقتل على الأقل احترم إن فيه غيرك بيحاول يعمل كده".

وطالبت الفنانة الشابة كل من يهاجم نجم الجوكر أن يطرح إنجازاته: "ده راجل ممثل مخضرم و لسه واخد أوسكار يا ريت الفسل اللى بيتريق عليه يقولنا أنجز ايه فى حياته البائسة".

منى هلا
منى هلا
منى هلا
منى هلا
منى هلا
منى هلا
منى هلا
منى هلا
منى هلا
منى هلا
منى هلا
منى هلا