جولولي | المخرج يسري نصر الله يعلق على أزمة باسم سمرة ومحمد رمضان
  • شمس البارودي
  • كيم كاردشيان
  • عادل إمام
  • أبو بكر عزت
  • هيفاء وهبي
  • أنور إسماعيل
  • إسماعيل ياسين
  • سيرين عبد النور
  • شريهان
  • استيفان روستي
  • سعيد صالح
  • خالد صالح

القاهرة - Gololy

دافع المخرج المصري الكبير يسري نصر الله عن الفنان باسم سمرة في أزمته الأخيرة مع الفنان محمد رمضان، وذلك بعد تداول مقطع فيديو يظهر فيه وهو يدفع رمضان على المسرح، وتبع ذلك تصريحات متبادلة بينهما.

نصر الله كتب، على حسابه الخاص على موقع “الفيس بوك”: “باسم سمرة بالإضافة لكونه ممثل مدهش، أطيب وأجدع إنسان أعرفه.. فيه حاجة واحدة ممكن تخليه (وتخلي أي واحد عنده سنة نخوة) يتعصب: إن حد يدوسله أو يدوس لحبايبه علي طرف أو يتعامل معاه ومع حبايبه بعجرفة. باسم يعرف معنى الصداقة والأصول”.

واضاف: “ومحمد رمضان يعرف ده كويس قوي من يوم ما اشتبك أثناء تصوير فيلم في خناقة عنيفة مع ناس من نزلة السمان وإللي خلصه منها تحديدا باسم.. باسم في كل تعاملاتي معاه بيدي للدور كل مشاعره وكل انضباطه. وكل إللي عملوا في أفلامي يعرفوا ده عنه.. عمري ماشفت باسم بيتباهى باللي عنده وباللي ماعندوش. وعمري ما شفته بيفعص أو يأذي حد أقل منه”.

واختتم كلامه بقوله: “وفي حواره مع عمرو أديب عجبتي جدا إنه يتكلم عن إزاي الصحافة والإعلام بيتجاهلوا شغل الممثلين وبيتلهفوا على الكلام عن خناقتهم. وعجبني دعوته لمحمد رمضان إنهم يعملوا فيلم روائي قصير من بطولتهم هما الإتنين”.

وكان محمد رمضان قد قال خلال لقائه في برنامج “التاسعة”، مع وائل الإبراشي، والمذاع عبر القناة الأولى: «إن باسم سمرة لم يكن في وعيه عندما دفعه في المناسبة، ولو كان في وعيه كنت ناولته بإيدي الشمال».

ورد باسم سمرة على تصريحات رمضان، خلال مداخلة هاتفية لبرنامج «الحكاية»، مع الإعلامي عمرو أديب، والمذاع عبر  فضائية «إم بي سي مصر» على تصريحات محمد رمضان: «أنا مقدرش أرد عليه أنا ابن ناس».

وأضاف: «محمد رمضان الشيطان سايقه ومعرفش إيه الهبل اللي بيقوله ده.. ما تصحي يا ابني لنفسك.. أنت بتقول نمبر وان وأنا هوريك.. لكن ميطلعش على التليفزيون يقل مني أنا مش عيل صغير».

وتحدى باسم سمرة، محمد رمضان، لمشاركته في فيلم 10 دقائق روائي قصير ببطولة مشتركة لمناظرته في التمثيل.



عدد التعليقات (0)

الاسم (مطلوب):

ما هو مجموع 5 + 5

أخبار الرئيسية: