جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

ريهام سعيد لشقيق ياسمين عبدالعزيز: أنا لو منها أسجنك

الاربعاء 04 مارس 2020 | 08:38 مساءً
القاهرة - سارة إبراهيم
809
ريهام سعيد لشقيق ياسمين عبدالعزيز: أنا لو منها أسجنك

فتحت الإعلامية المصرية ريهام سعيد النار على الفنان وائل عبدالعزيز بعد هجومه على شقيقته الفنانة ياسمين عبدالعزيز بسبب ارتباطها بالفنان أحمد العوضي.

ريهام وجهت رسالة لشقيق ياسمين، قالت فيها: "أكيد يوم القيامة قرب.. الأخ بيتكلم علي عرضه وشرفه.. لو فاكر كده انك ضايقتها فأنت ضايقتنا إحنا وصدمتنا إن في وساخه كده دي مش وساخه ده انحطاط .. نفسي اشتمك بكل الألفاظ الي اعرفها ولسه هعرفها أنا لو منها اسجنك فورا لانك مش بس شهرت بيها لا ده أنت كسرت قواعد الآدمية والعيش والملح والدم الواحد".

وأضافت: "أخس والله لازم تتسجن وتترجم في ميدان عام علي الأولاد والأم اللي شهرت بيهم. والراجل اللي مش عاجبك كان بيتسأل علي علاقته بيها في كل البرامج مبيجبش سيرتها من بعيد ولا من قريب عشان أرجل منك مليون مرة".

وتابعت: "شكلك طلبت طلب واترفض هي اللي ماشية غلط برضوا؟ ولو ماشيه غلط تسترها مش تفضحها يا عديم الكرامة مش تشهر بيها علي الفيس بوك عارف عملت إيه خليت مصر كلها تحبها اكتر ياسمين أنتي أجدع وأجمل واحدة في الدنيا ومعلش الضربات بتيجي من القريبين بس ربنا عوضك خير براجل بدل القفف اللي كانوا في حياتك".

وكان الفنان وائل عبدالعزيز قد وجه رسالة لشقيقته ياسمين عبدالعزيز، على حسابه الخاص على موقع “الفيس بوك”، قال فيها: “بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضية الشغالات مؤخرًا غير قضية الضرب اللى كانت بينك وبين بنت هشام سليم الممثلة اللى لبستيها التورتة فى وشها”.

وأضاف: “وقفت جمبك بكل ما أملك من قوة أدافع عنك فى كل موقف صعب مر عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتى وإحنا بنعمل أعياد ميلاد وتنزل على السوشيال ميديا، من أمتى الناس بتجيب فى سيرتنا؟ ونقعد نتعاكس على السوشيال ميديا؟”.

وتابع: “ومع ذلك حياتك وأنتى حرة فيها، أنا هتكلم على الشق اللى يخصنى، أنتى مقاطعة كل العيلة عشان تعملى اللى على مزاجك، إحنا دلواقتى وعايزين نفهم العلاقة دى إيه ورايحة على فين” .

وهاجم أحمد العوضي، قائلا: “أما بالنسبة للأخ اللى ماشى وراكى فى كل حتة وشايفك البيضة الدهب اللى هتفقسله كل يوم.. أحب أقولك يا راجل لما تيجى تدخل بيت تدخله من بابه يا راجل!! وتقعد مع رجالة البيت!!.. دى الأصول وده الاحترام”.

وأكمل: “وطبعًا لأنك عارف أنك مرفوض رافضًا باتًا فاعمرك ما هتعمل ده ومعندكش غير طريق الشمال اللى أنت سالكه من سنين مع بنات الناس!!.. أنا من رأيى كفاية عليك البطولة اللى أخدتها والعربية المرسيدس الهدية، وتركز فى شغلك وتسيبنا فى حالنا لأن طول عمرنا فى حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد”، وقد تعرضض شقيق ياسمين لهجوم شديد من متابعيه مما دفعه لإغلاق صفحته على “الفيس بوك”.

وائل عبدالعزيز شقيق ياسمين عبدالعزيز واحمد العوضي2
ياسمين عبدالعزيز واحمد العوضي
احمد العوضي وياسمين عبدالعزيز
وائل عبدالعزيز شقيق ياسمين عبدالعزيز
عيد ميلاد ياسمين عبدالعزيز بحضور النجوم
ياسمين عبدالعزيز وشقيقها
ياسمين عبدالعزيز وشقيقها
ريهام سعيد وياسمين عبدالعزيز
ريهام سعيد