شقيق ياسمين عبدالعزيز يواصل الهجوم على حبيبها الجديد الفنان أحمد العوضي بكلمات قاسية

أعاد الفنان وائل عبدالعزيز، شقيق الفنانة ياسمين عبدالعزيز، فتح صفحته على موقع "الفيس بوك"، ليرد على كلام الفنان أحمد العوضي ضده.

وائل كتب: "ردّك متوقع جدا لان هو ده أسلوبك ومش هيتغير بس انا هرد عليك.. بالنسبه ان احد بيصرف علّيا عمرها ما اديتني جنيه في جيبي وأحب افكرك اني قاعد في بيت ايجار وراكب عربيه تويتا كنت جايبها قسط من شقايا واظن انت شوفتها ايّام مسلسل لاخر نفس لما كان معاك عربيه لانسر .. ويادوبك حوشت عشان اغير عربيتي قريب ..وحتي لو حد من اهلي ساعدني في وقت ضيقه انت مالك !! .. والا معندكش كلام تقوله !!!؟".

وأضاف: "اما الشغل الي انا فاشل فيه فا لو بتعتبر ١٧ جايزه اخدتهم في اربع سنين فشل فا ياريت تعرف تبقي فاشل زاي لكنك مش هتعرف للاسف .. ومش انت الي تحدد فشلي ونجاحي في اَي شيء لانك طالع علي رقبه الناس .. اما اختي فالمواقف والسنين الي فاتت هيا الي هتبين انا عملت عشانها ايه .. وكلمه اني طالع علي حسها كل الناس عارفه اني شقيت طريقي لوحدي من ١٥ سنه وعلي الرغم من ده فا انا عادي ابطل تمثيل من بكره قدام مصالح اختي .

وتابعت: "اخيرا بقي .. ردّك ده علّيا اثبتلي انك ولا همك الانسانه الي انت ماشي تعاكسها في كل حته وعلي صفاحات السوشيال وسيبت المهم وابتديت في تشويهي ومفكرتش تاخد خطوه محترمه تجاهها الا انك جريت علي الترند وهتشتغل شغل قذر لان ده الي يهمك "ترند" "دور بطوله" "فلوس" "عربيات" .. وبالنسبه للناس الي بتقول اني بتكلم علي موضوع زاي ده علي السوشيال ياريت تدخلوا تشوفوا صفحاتهم وتعرفوا ان الموضوع متعارف عليه للناس الا أهلها".

وأكد: "ياسمين سألتني بعد الطلاق انها ممكن تحب وتتجوز وانا اول واحد قولتلها طبعًا حبيبتي ومن حقك وهبقي اول حد يفرحلك .. بس مش انت لاني اعرفك من سنين وعارف نواياك والأيام هتثبت صحه كلامي .. ونصيحه مني ليك لما تدخل علي ست متخطارش وقت ضعفها وخروجها من طلاق ومشاكل لو فعلا بتفهم كنت بقيت صديق ينصح ويحافظ ويخاف لحد ما تبقي قويه تاني.. مش يتصور صور زاي دي يا محترم".

وكان الفنان وائل عبدالعزيز قد وجه رسالة لشقيقته ياسمين عبدالعزيز، على حسابه الخاص على موقع "الفيس بوك"، قال فيها: "بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضية الشغالات مؤخرًا غير قضية الضرب اللى كانت بينك وبين بنت هشام سليم الممثلة اللى لبستيها التورتة فى وشها".

وأضاف: "وقفت جمبك بكل ما أملك من قوة أدافع عنك فى كل موقف صعب مر عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتى وإحنا بنعمل أعياد ميلاد وتنزل على السوشيال ميديا، من أمتى الناس بتجيب فى سيرتنا؟ ونقعد نتعاكس على السوشيال ميديا؟".

وتابع: "ومع ذلك حياتك وأنتى حرة فيها، أنا هتكلم على الشق اللى يخصنى، أنتى مقاطعة كل العيلة عشان تعملى اللى على مزاجك، إحنا دلواقتى وعايزين نفهم العلاقة دى إيه ورايحة على فين" .

وهاجم أحمد العوضي، قائلا: "أما بالنسبة للأخ اللى ماشى وراكى فى كل حتة وشايفك البيضة الدهب اللى هتفقسله كل يوم.. أحب أقولك يا راجل لما تيجى تدخل بيت تدخله من بابه يا راجل!! وتقعد مع رجالة البيت!!.. دى الأصول وده الاحترام".

وأكمل: "وطبعًا لأنك عارف أنك مرفوض رافضًا باتًا فاعمرك ما هتعمل ده ومعندكش غير طريق الشمال اللى أنت سالكه من سنين مع بنات الناس!!.. أنا من رأيى كفاية عليك البطولة اللى أخدتها والعربية المرسيدس الهدية، وتركز فى شغلك وتسيبنا فى حالنا لأن طول عمرنا فى حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد"، وقد تعرضض شقيق ياسمين لهجوم شديد من متابعيه مما دفعه لإغلاق صفحته على "الفيس بوك".

ومن جانبه رد أحمد العوضي على هجوم شقيق ياسمين، بقوله: "انهي بيت اللي ادخله من بابه.. ان كانت هي اللي بتصرف عليك وعلى ابنك اللي مخبيه وراميه وهي بتدفعله مصاريف مدرسته ...باب ايه يابني ادخله .. هو انا شوفت راجل واقف جنبها.. دي واحدة انت مابتعملش حاجة غير انك بتستنزفها هي و مامتها".

وأضاف: "باب ايه يابني اللي هدخله من بابه واكلم واحد بيتكلم على عرضه و لحمه قدام الناس.. يا بني انا من عين شمس منطقه شعبيه اتربيت على ان الاخت والام والست الكلام عليهم من الكبائر .. عربية ايه يابني أنا أجري الحمد لله يعيشني كويس و يجيبلي عربية حلوة وبيت كويس .. بمجهودي و شغلي مش على عرق واحدة ست".

واختتم كلامه، على حسابه على "الفيس بوك" بقوله: "باب ايه يا حبيبي اللي ادخله و انت اصلا عايش باسمها.. انا شقيت على حالي بعرقي .. لكن انت فشلت في كل شيء .. فشلت كممثل وفشلت كأب وفشلت كأخ وفشلت كبني أدم"، كنه عاد وحذف منشوره بعد دقائق.

في أول رد فعل لها على هجوم شقيقها عليها، أعلنت الفنانة المصرية ياسمين عبدالعزيز حبها للفنان أحمد العوضي.