جولولي | طليقة خالد عليش تفجر مفاجأة: خانني وضربني وأخد فلوسي
  • شمس البارودي
  • كيم كاردشيان
  • عادل إمام
  • أبو بكر عزت
  • هيفاء وهبي
  • أنور إسماعيل
  • إسماعيل ياسين
  • سيرين عبد النور
  • شريهان
  • استيفان روستي
  • سعيد صالح
  • خالد صالح

القاهرة - Gololy

هاجمت الفنانة الشابة ميما الشامي طليقها الإعلامي المصري خالد عليش، وكشفت تفاصيل خلافاتهما بعد الانفصال.

ميما كتبت: “هو 4000 جنيه في الشهر يكفي بنت في مدرسة انترناشونال وباباها بيقبض 75000 في الشهر، ده غير الإعلانات والايفنتات وإعلانات السوشيل ميديا وطبعا أنا اللي كنت بتفق عالفلوس دي فعارفة من سنة هو كان بياخد كم... يا أما يرفع قضية آداب على أمها ؟! والله في سهرة من السهرات اللي بينزلها وليدفع فيها دة يكفي بنته”.

وأضافت: “لأن هو اللي خاني وضربني وكنت أنا اللي بعتذر عشان أنا اللي قصرت وهو محترم ومؤدب مع كل الناس إلا أنا ف أنا اللي مش كويسة... وأخد فلوسي.. الراجل مش معترض على فلوسي ومعترف بيها بس مش هيدهالي غير لما أوافق على كل شروطه يا أما الجأي للقضاء”.

وتابعت: “الناس اللي بتكلمني عشان اشيل البوست.. انتو متعرفوش انا مستحملة اية انا وبنتي ومتعرفوش انا عملت مع الراجل دة اية ومتعرفوش انا ساكتة بقالي قد اية ومتعرفوش انا ببيع اية عشان بنتي لان اخر ٨٠٠٠ جنية كانو معايا هو اخدهم.. ومتعرفوش انا اتهنت ازاي منه ومن أهله ومن صحباته البنات”.

وأكملت: “فالبوست دة اخر حل عندي لان مكنتش عايزة اعمل كدة مش عشاني ولا عشانه احنا بنا ربنا وهيحكم بنا بس بنتي مكنتش تستاهل كدة فسامحيني ياميما بس غصب عني.. وميما الحمدالله فهمت كل حاجة بدري لانها شافت اخر موقف قدام عنيها”.

وأكدت: “أنا معايا صور لكل حاجة قلتها في البوست دة بس مش هعمل كدة عشان انا اتربيت ان مفصحش حد كان فيه بيني وبينه عيش وملح.. انا كتبت الكلام دة لان مش قدامي حل وزهقت من كتر التمثيل اني انا اللي قوية وتمام وهو محترم.. ربنا يباركله في كل فلوس واملاكه اللي كان ليشتريها وانا كنت يتكدر في الفلوس عشانه هو.. بس انا مش عايزة غير حق بنتي الصغيرة ومش هتنازل عنه”.

واستطردت: “لأن في أول الموضوع وافقت بكل شروطه عشان اللي كان بينا واتحملت كل التريقة عليًا وعلى اهلي وتعب أبويا بس محصلش اي حاجة.. أمي جالها الكانسر والناس كلها اتحايلت عليه يوقف جنب مراته قالولي احنا عارفين انك تعبانة من زمان معرفش عرفو منين واحنا عرفنا بعض ما كل الاتصالات اتقطعت بنا وبين بعض.. بعتله لو سمحت عايزة فلوسي من فضلك انا ببيع ذهب ابويا قالي مليش دعوة انت بتبيعي وبرضو الفلوس مش مكفياه !!!”.

وأضافت: “الناس اللي بتقولي ارفعي قضية.. انا قاعدة ٦ شهور مش راضية اعمل دة عشان اللي كان بينا وعشان البنت ومكنتش اهلي حتى يعرفو تفاصيل لحد ماهو كلم كان اهلي وقال الجأو للقضاء.. ومش هتعرفو توصلو لحاجة.. انا فضلت محافظة على اللي كان بينا وساكتة بس هو مفيش فايدة جبروت وغرور وافترا وأول مااخد فلوس الإعلانات بدل مايرجعلي فلوسي اللي مكنش ليها علاقة بالانفصال راح جهز شقة كنا شريتها مع بعض وقعد فيها واشترا شالية في الساحل ب ٢ مليون طيب وفلوسي !!!!”.

وأوضحت: “انا كنت مدياله ٢٣٠ الف من غير اي ضمانات لما راح اشترى العربية المرسيدس وفي المقابل خدت عربيته القديمة اللي لسة بااسمه وماشية بيها برخص منتهية.. اللي نزلت الصبح من بيتي انا وبنتي ملقناش العربية واحدها وقال انا ليا فلوس فيها عايز حاجة تضمن حقي.. ورجعها لما بنته كانت في المستشفى تكرم منه كدة مش حق.. بيتصدق عليًا بفلوسي.... هو دلوقتي عيزني اديله ٧٠ الف وكان في الاول عايز ١٠٠ الف عشان يسابلي العربية.. طيب انا مش عايزة العربية انا عايزة فلوسي لا مش معايا كاش”.



عدد التعليقات (0)

الاسم (مطلوب):

ما هو مجموع 8 + 4

أخبار الرئيسية: