داليا مصطفى: فضحتونا في الإعلام
انتقدت الفنانة المصرية داليا مصطفى، تصريحات بعض الفنانين خلال استضافتهم في بعض البرامج التلفزيونية.
وقالت داليا مصطفى، في منشور عبر صفحتها الشخصية بموقع "فيس بوك": "مش عارفه أقول إيه وأبدا أزاي بس فعلا فيه بعض الممثلين الزملاء وهما ممكن يكونوا هايلين جدا جدا في شغلهم لكن الأفضل ليهم ولينا إحنا لإننا نصنف علي أن كلنا واحد أنهم ميتكلموش خالص في أي برنامج لأنهم بيفضحونا فعلا لا ثقافة ولا وعي علي إنهم بيسجلوا مع مذيع ولا صحفي والأكبر والأقوى من كده أنهم ليهم معجبين كتير ولأنهم وده اللي مش قادرين يستوعبوه إنهم قدوة لناس كتير أوي وأي كلمة مش مظبوطة أنت أو أنتي بتعتبروعها هزار وخفه دم".
وأضافت: "صراحة هي شئ سخيف وأنت حضرتك بتهدم جيل بأسلوبك الركيك ومعني ركيك مش رقيق يعني أسلوب متواضع في اللغة وعيب علي حضرتك أو حضرتك كفنان يصدر من لسانك مثل هذه الألفاظ لأنك علم وغير كده وكده ارحمونا شكلنا بقي وحش أوي".
وتابعت: "أه وعلي فكرة في نجم عظيم بمعني الكلمة لكنه عمره ما طلع في أي برنامج أو مقابلة عابرة لأنه عارف كويس أوي انه مش بيعرف يتكلم كويس وعادي يعني الراجل عايش وكلنا بنحبه ونموت ونتصور معاه ارحمونا بقي".
داليا مصطفى، شاركت مؤخرًا في مسلسل “حواديت الشانزليزيه”، وهو من تأليف أيمن سليم ونهى سعيد، وإخراج مرقس عادل.
العمل يشارك فى بطولته إياد نصار، إدوارد، مي سليم، إنجي المقدم، هاجر الشرنوبي، منة جلال، عزوز عادل، وهو من إنتاج تامر مرسي، وإشراف عام حسام شوقي، بالإضافة إلى ضيوف الشرف عايدة رياض، حمدي الوزير، فريدة سيف النصر، عارفة عبد الرسول، ليلى عز العرب.
