زكي فطين عبدالوهاب: لن أغير رأي في عمرو دياب
أكد الفنان والمخرج المصري زكي فطين عبدالوهاب، عدم تراجعه، عن رأيه في الفنان عمرو دياب، بعد الهجوم الذي تعرض له مؤخرًا بسبب رأيه في أغانيه.
زكي فطين عبدالوهاب، قال في منشور عبر صفحته الشخصية بموقع "فيس بوك"قائلًا: "أنا ما مسحتش البوست اللي كتبته عشان بتراجع في موقفي.. خالص .. أنا مسحته بسبب الكم الهائل من الشتايم بالأب والأم بأفظع الألفاظ من ألتراس عمرو دياب .. ومختلف مع الأستاذ الملحن حلمي بكر في هجومه الشرس القاسي على نجوم "مهرجانات" .. نفسي أعرف إيه الجريمة اللي عملتها .. بجد".
كما رد في منشور أخر، عن موقفه من بعض أغاني والدته الفنانة ليلى مراد قائلًا: "أنا كنت بسمع عمرو دياب لغاية سنة ٢٠٠٠ .. بعد كده حسيت إنه ما بيقدمش جديد.. وده مجرد رأيي الشخصي.. وفيه ناس ممكن تبقى شايفة العكس.. إيه الجريمة في ده؟ أنا طلعت في برامج قبل كده برغم قلتها وقولت" أنا في أغاني لأمى ما بحبهاش".
أضاف : "وبالذات الأغاني اللي فيها شجن وحزن.. أنا شايفها أكتر في "شحات الغرام وأبجد هوز" وغيره.. وقولت إن أبويا لما عمل أفلام في سكة التراجيدي فشل بامتياز .. وفيه أفلام كوميدي عملها سقطت، إيه المشكل".
وكان زكي فطين عبدالوهاب، قد قال في منشور سابق له: "أنا عارف إن في ناس هتزعل من الكلام اللي هقوله .. لكن بعد الهجوم الشرس على اغانى وموسيقى المهرجانات.. نفسى افهم عمرو دياب الملقب بالـ “هضبة” .. بمناسبة إيه".
وأضاف: “أغانيه وألحانه وكلمات أغانيه هي هي من ٢٠ سنة .. ده إفلاس فني ما بعده إفلاس .. أغاني إلـ “مهرجانات” فيها تجديد وابتكار وتنوع اكتر بكتير غصب عن الملحن الفذ “حلمي بكر” .
