جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

زوجة تامر عاشور لـ بسمة بوسيل: "متديش الفرصة لأي واحدة رخيصة تشمت فيكي"

الثلاثاء 17 نوفمبر 2020 | 12:56 مساءً
ندى عصام
1970
تامر حسني وبسمة بوسيل

قررت سمر أبو شقة زوجة المطرب تامر عاشور، أن تعلق على تصرف الفنانة المغربية بسمة بوسيل بعدما عاتبها زوجها النجم تامر حسني في رسالة نشرها عبر حسابه على "انستجرام".

ونشبت خلافات بين تامر حسني وبسمة بوسيل خلال الأيام الماضية أدت إلى إعلان الأخيرة انفصالها عنه على مواقع التواصل الاجتماعي.

وأشاد سمر بموقف بسمة، وكتبت عبر خاصية الـ"ستوري" بموقع تبادل الصور والفيديوهات "انستجرام":"برافو يا بسمة والله.. متديش الفرصة لأي واحدة رخيصة تشمت فيكي وخصوصا إنهم بقوا كتير".

سمر ابو شقة

ووجهت الفنانة المغربية بسمة بوسيل، رسالة اعتذار لزوجها النجم المصري تامر حسني، بعدما أعلنت انفصالها عنه عبر مواقع التواصل الاجتماعي.

وبعد رسالة العتاب التي وجهها تامر لبسمة معربًا عن مدى حبه الشديد لها، خرجت بسمة لتعتذر له، من خلال خاصية الـ"ستوري" بموقع تبادل الصور والفيديوهات الشهير "انستجرام"، قائلة:"فعلا اتهورت بس علشان بحبك.. آسفة".

وكان الفنان المصري تامر حسني قد كتب عبر خاصية الـ"ستوري" بموقع "انستجرام": "بسمة حبيبتي.. للأسف انتي مافكرتيش كويس.. وسلمتي ودانك لشر السوشيال ميديا عشان كام تعليق كلامهم فارغ نسوكي انك عرفتيني وأنا مشهور ودي طبيعة شغلي اللي عرفتيني وحبيتيني بيها".

وأضاف: "إزاي وصلوكي للزعل والبعد فترة، المهم أنا مش هزعل منك، ولا يرضيني زعلك إنتي حبيبتي وأم أولادي، أنا ضهرك وسندك مهما حصل".

وتابع:"بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون أو بزيارة رحيمة ما بيهم، وياريتها مشكلة أصلا".

وأكمل: "ربنا جعل ما بينا مودة ورحمة عشان كدا، للاسف انتي عارفة إن في ناس في طبيعتهم حب خراب البيوت، ومش هنخلص منهم، بس انتي اللي هتخلصي من فكرة انك تسمعيهم، مع أنك ماكونتيش كدا".

وتابع: "ياريتك تركزي مع طاقة الناس اللي دعولنا ودعوا لأولادنا بكل خير.. وفعلا أنا بشكل كل الناس والفنانين اللي سعوا في الخير لينا، وانا واثق إنك دلوقتي زعلانة إنك كتبتي كدا، هو تصرف متهور منك بس ولا يهمك مش عيب إن الإنسان يغلط، ويتعلم وأنا ياما علمتك ولسة هعلمك".

وأكمل: "كان نفسي الكلام ده يكون بيننا لكن أنتي اشركتي الجمهور الكريم فكان لازم أرد هنا، بيننا حب غالي وحياة كريمة واولادنا وبيتنا أغلى ما فيهم، ربنا يخلينا ليهم ويخليهم لينا يارب.. متهورة بس بحبك".